Maki 8:30 - Ka Lamana'a Monoꞌi Lu Mu Tifiꞌehina Ka Yabe

³⁰ Ya ligo, Yesu amuya kaga lu epito ma lu epi'ehina: Lenali ana kaga nani kumu bona'magihi lu meepilo. Ya luto lu epi'ehina yabe.

Maki 8:30 ပူးပေါင်းရင်းမြစ်များ

Matiu 16:20

To Yesu koko pana'a amuya luto enekesa bi'ehina: Nani kumu luto lenali Hu'mau ho lifi'ehina pana'i Mesia nohibe lite lu yege hete asaga bona'i lu meepilo.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Maki 7:36

Ya higo, Yesu asaga bona'magihi ma luto lipoti epi'ehina: Lenali fato bona'magihi ya'ma hu'ohunana lu meepilo. Ai ya luto lu laga huto lu epi'ehibe. Yesu luto lu epiba epiba huto hulago, enali aku'i bite fato fato bona'i lu epiba epiba hi'ahana yabe.

Maki 8:26

To Yesu: Ya'ma nohi hepatoga metise nohutoka hepatoga fa'mene bufa hubo, luto ho lifi'ehina yabe.

Maki 9:9

To alihi kosaloti nelimigo, Yesu amuya ka lu epito ma luto ka epeki'ehina: Lenali yatai bu ge'ahanana bona'magihi lu meepilo. Alihi nani, Kokulumaguti limi'ohuna Bomofita fili'ohunaguti ho notinogo'ni bati hite ka lu epilabe.

Luku 9:21

Yesu suguna ka panana'a amuya ka ma luto lu epi'ehina: Bo mone'mofihi lenali mana kaga lu meemilo.