Maki 8:29 - Ka Lamana'a Monoꞌi Lu Mu Tifiꞌehina Ka Yabe

²⁹ Ya lago, ai: To lenaliya? Lenali nani kumu kaga henana lite nekehelibe? Ya'ma ya luto enoloka nohago, Pitau ma luto lu emibe: Kai Hu'mau kele'mo ho ti'ehina bo, Mesia nohane.

Maki 8:29 ပူးပေါင်းရင်းမြစ်များ

Maki 4:11

To ai ma luto lu epi'ehina: Lenali Hu'mamofihi kapo'amu'i suguna ka hekele lite kehelilabe. To enali fegutoga bona'magihi fono ka anasi lu noepube. Hena'mube?

Luku 9:20

Ai pana'alobo'a enoloka ho'ehina: Lenali nani kumu'i kiyi'afu nohibe lite lenekesa nekehelibe? Yesu ya luto enoloka hago Pitau ma luto ka'alo lu'ehina: Kai Hu'mau koho lifi'ehina pana'a Mesia nohane lu'ehina.

Yoni 11:27

Ya ligo Matau lu emi'ehina: O'yo. Sipi Bo, Hu'mamofihi pana'a le'mo ho ti'ehina bo nohane. To kokulumaluguti koho lifigo melugu limi'ahata ya'ma akeheli amuya molo'ohube.

Yoni 4:42

Ya hilete ana a'mofihi ma lite lu emi'ahana: Yatai lali keheli amuya molone. Kai lu limita kaga ni'igopa laliti baga'aguti akeheli etone. To ai lusiga ma'naka luto asaga melugu boana'i oto enele'mo enubuto bilibe li'ahana bomo nohibe lite li'ahana yabe.

Yoni 6:68

Ya luto enoloka hago Simoni Pitau ka'alo nona'a lu'ehina: Sipi Bo, lali kiyi'afitoga biluta'mu nolane? Minoba minoba huse'na episemofihi kaga'a kaitogago ni'ibe.

Yoni 6:69

To kai Hu'mamofihi lamana pana'a monekomo nohane luto komopati kaito kimito keheli ule'ale ahu keto'ohune.

Aposolo 8:36

Etali kapo melete bite nagami'i mone ni'inalo heneti'aha'ina. Ya hilete ana gamani bouba Filipihi lu emi'ehina: Bu gobo, nagami'i ma ni'ibe. Nagami folose kapo'ni henanauba hekini lo neto'ehibe?

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

1 Pita 2:7

Ya ligo keye'ahana'mu ai kumu keheli amuya nemalana lenalitoga yamu'i ai ana'ina mina'a minomo tito nohibe. To ai kumu mekehelise mine'ahana'a enali kumu mone ya'ma luto lu'ehinamo ni'ibe: Nohi gilata bo enali efahi ya'mu bu gago he'mi'ahana ya'ma efapouba lapusa lolo hu'ehina ni'ibe.

1 Yoni 4:15

To bona'magi Yesu ai lamana'a Hu'mamofihi pana'a nohibe lite lu huto hilana'a enali Hu'mamofihi komopa'agu minalune'mu nehabe, to Hu'mau ana huto komopa'anigu minoto lito hilina'mu yabe.

1 Yoni 5:1

Bona'i luga'amagi Yesu kumu Hu'mau le'mo ho ti'ehina bo yabe lite keheliya ilana enali kumu Hu'mamofihi yagapana'a nehabe luto lu epalalune. To ya huto ni'igo ya'ma afo'anifihi komopa'ani emilana enali ana hite yagapana'a hiti komopa'ani epilabe.