Maki 8:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya ligo, Yesu mone hiti yatu bu'alo bako higo, ai gili gili huto nohuto'a bu'a i gili huto bu go bati hu'ehina yabe.

Maki 8:25 ပူးပေါင်းရင်းမြစ်များ

Matiu 13:12

Bo moneuba ana'ina li'ehilinaya Hu'mau mone'a hiti molo eminogo li babu luto lilata hilina'mu yabe. To bo moneuba ana'ina yanuga meli'ehilina koyapa'i li'ehilinana minigilina'mu yabe.

Maki 8:24

ai gili huto bu go saga huloto ma lu'ehibe: Nani yatai bona'magihi yafa legi hite kapo nemalago bu nogobe.

Maki 8:26

To Yesu: Ya'ma nohi hepatoga metise nohutoka hepatoga fa'mene bufa hubo, luto ho lifi'ehina yabe.

Aposolo 1:10

Ai ya huto notigo aposolo pana'a enali kokulumalugu be goba be goba lite nehago ana'asilo bo loemo koholi gukete li hekolose bole enali nehanalo ho ti'aha'ina.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.

Filipai 1:6

To ya'ma luto ma luto keheli sepa ito keheli'ohube: Foya lamana'a lenalitoga hapi fi'ehina bo Hu'mau lelito buto li baga neinogo Yesu Kilisitou henetilina kana'a li etalube'mu hibe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.