Maki 8:22 - Ka Lamana'a Monoꞌi Lu Mu Tifiꞌehina Ka Yabe

²² To yalo Yesu to pana'alobomagi hiti Betesaita hepatoga nehetite neminago, bona'magi bo mone bu pisi lu'ehina bomo Yesutoga le'mete bite: Oho. Kayapotu bako huletogobe lite buka tilago,

Maki 8:22 ပူးပေါင်းရင်းမြစ်များ

Matiu 11:21

Ai lu'ehina: Ke, Kolasini bona'ise. Ke, lenali Betesaita bona'ise. Lenalitoga babeyafana li huto nohunana enali Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animo'mu nehabe luto huto hulata nohinagi lenali komopatini i gelehe mehi'ahana.

Matiu 14:36

Ya hilete enali Yesuhi buka tilete ma lite li'ahana: Ke, kai kaga melitogo enebesise bona'magi guketeka nekisa'alo meko hilana bati huto ni'ifihe? To enali ana bona'i Yesuhi gukete'alo meko hana bona'i bati hi su he'ahana yabe.

Matiu 8:15

Yesu ana a'mofihi yahi bako huto besinana'a mele'isi fa hu eto'ehina. Ana a'uba sipaloti ho tito nose'na laita hu epoloto gabu ito epi'ehina.

Matiu 8:3

Ya ligo Yesu yatu su toto gufa'alo bako huto ma lu emi'ehina: Nani ya hilube'mu nohuto kugufaka gulu gulu hilinagi kehepuhaka asu ho'ehina, Yesu ya luto ligo ana'asilo hepuha'a asaga'na asu hoto fenene hu'ehina.

Matiu 9:29

To Yesu yatu'i etubulo meko huloto lu etimi'ehina: Letali nanitoga komopatiti nimi'aha'inago letubutiti bati hilina'mu yabe.

Maki 2:3

Ya huto ni'igo, loegi loegi bomagi keni bo mone aitoga le'mete alune'mu nehite ago, to kasito bona'i mino kikipa he'ahago aitoga lebato'isi mebise nehite tite nohupitalo li hokolo hi'ahabe. Ai nohinalo li hokolo hite'ani to ana hokolo kapoguti keni bomofihi nebelusalo nokago le'mo he'mi etago limoto ko'ehibe.

Maki 3:10

Ai epesi'ehina bona'magihi babu lite enele'mo bati hu'ehigo, yalo epesi'ehina bona'magi yege yege'na aitoga aku'i li gehesa hite, aimo bako hilune lite'ani aitoga ikini ikini hite li gehesa hi'ahana yabe.

Maki 6:45

To yalo Yesu ana'asi pana'alobo'a amuya ka lu epito ma lu'ehina: Lenali nani kohe tete bite botigu tite nagami muya beletoga Betesaita hepatoga lofotula hilutagi bilo.

Luku 10:13

Ke, Kolasini bona'ise. Ke, lenali Betesaita bona'ise. Lenalitoga amuya lili'na nohunana enali koyapa'i Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animu'i nehabe luto huto hulata nohibe. Lenali komopatini i gelehe hilanamo meni'inagihe.

Luku 9:10

Yesuhi aposolo panana'a aku'i ete li nupa hi su helete asaga'na enali hi'ahana Yesuhi lu emi'ahana. Ai asaga'i pana'alobo'a enele'moto luga'a fato bona'i nohe'mi epoloto enaligo Betesaita hepato bi'ahana.

Yoni 1:44

Filipiu ai Betesaita hepa'i Atulunogo Pitanogo ana hepato bo yabe.

Yoni 12:21

Enali ete Yesuhi pana'alobo'a mone Filipi, ai Betesaita hepato Galili meluguti o'ehina bo aitoga ete lu emi'ahana: Babafio, lali Yesuhi bu galune'mu hune.