Maki 8:2 - Ka Lamana'a Monoꞌi Lu Mu Tifiꞌehina Ka Yabe

² Ke. Nani ya'ma boana'magihi keke'i nolu epolobe. Enali nanitoga loe yagi mone yagi yegegu mine'ahana to nose'na'ani meni'ibe.

Maki 8:2 ပူးပေါင်းရင်းမြစ်များ

Matiu 14:14

Alihi Yesu nagami beletoga keheto buloto babu boana'i nehago bu enogo'ehina yabe. Ya hago ai ginaga fi epiloto enebesi'ehina bona'ani enele'mo bati hu'ehina yabe.

Matiu 20:34

Ya la'igo Yesu keke'i sipi lu etotoloto yaha'a ana bomale'i etubulo meko nohigo ana'asilo mele'isi etubu'atiti i gili higo asaga'na bu gelete Yesuhi mege'i melete bi'aha'ina yabe.

Matiu 9:36

Babu boana'i Yesuhi le'mo bego hite minago bu enogoloto Yesu eniginaga fi epi'ehina yabe. Hena'mugope enali enekesa yigi babu lilete bo moneuba meenehe'mago sipisipi yaga kaba bo'ani meminago tili tele hite minelata nehana suhi lite minana'mu luto yabe.

Maki 1:41

Ya ligo Yesu sipi keke'i nolu etoto yahi li su toto bako huto ma lu emi'ehina: Ana hu ketalube. Gufa hu bati hino.

Maki 5:19

To Yesu ma lu emi'ehina: O'e. Kai hepakaloga buto bonaka lu epibo. Sipi Bo, Hu'mau keke'i nolu ketoto kele'mo bati hu'ehinamofihi asaga'i buto lu epibo. Hu'mau amuya'a hiti bouba kehe'mo'ehina ka ya'ma beto huto lu epibo.

Maki 6:32

To enaligo bite suguna hilete bite botigu tite yu hepatoga bilune'mu nehabe.

Maki 6:34

To Yesu alihi anaga nehetito enali li gehesa nehanamo bu enogoto keke'i lu epolo'ehina yabe. Enali sipisipi yagamagi, kaba bo'ani meminana suhi lite nehago bu goto keke'i lu epolo'ehina yabe. Ya huto'a kaga lu enelepiba enelepiba huto mino'ehibe.

Maki 8:3

To nani enele'mo he'minogo, kau'na enehenogo kapogu fililana'mu yabe. To mone'amagi foto hepatogati e'ahabe. Ya'mu nani keke'i nolu epolobe.

Maki 9:22

Ya huto minoba minoba nohigo ana feleuba pana'nimofihi halube'mu fato fato yupahi logogu le'mo laki hu'ehina yabe. To fato fato yupahi nagami hefunugu le'mo nofu tu'ehina. To kaiya le'ehe'malatamo keheli bati nohapiye? To kai keheli bati hulotoka keke'i nolu le'etotoka le'ehe'mobo.

Luku 15:20

Ya luto ho tiloto kapo moloto afo'afuloga bibe. To foto'i noago afo'afu bu goto sipi ginaga nofigo hololu luto buto nu kito soso hu eto'ehibe.

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.

Hibulu 5:2

Ana mamufa gilata bo ai'a hapa'a mone amuya memolose nohigo fato bona'magi kaga mekehelilata to foipana lilata nehanamagihi fulu huto ginaga fi epite agoya hu epilata nohibe.