Maki 8:17 - Ka Lamana'a Monoꞌi Lu Mu Tifiꞌehina Ka Yabe

^17-18 Lenali henabe lite beleti nose'na meni'ibe lite kaga nelabe? Nani yamofi kumu menolube. Ka'nimofihi hapa'a menekehelifiye? Lenegekesa hokolo mehu'ehina ni'ifiye? To lenubutini ni'igo, bu megalune'mu nehafiye? To lenegekesa ni'igo, mekehelilune'mu nehafiye? Nani ologosi hu'ohunanamofihi beto menehafiye?

Maki 8:17 ပူးပေါင်းရင်းမြစ်များ

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 15:17

Lenali keheli bati menehafihe? Ana'ina'a bomofihi bagagu tilata nohinana gupa'agu tito minoloto aku'i gufa'aguti heleko limilata nohibe.

Matiu 16:7

Ya ligo enali'ani ma lite musi musi ka li'ahana: Lali beleti melise o'ohuta kamo'mu nolibe.

Maki 16:14

To alihi, aposolo bomagi 11 magi li nupa hite nose'na nenago, Yesu enubulo huto huloto ka epekibe. Hena'mube? Enali, bona'i mone'amagi Yesu fili'ehinaguti ho ti'ehigo bu gete ka lu epigo, enali: Faga yabe, lite enipagu higo komopa'ani ule'ale higo Yesu ya'mu ka epeki'ehibe.

Maki 2:8

To Yesu ana'asi ya'ma enegekesa neyiginana komopa'atu keheliloto ma luto lu epi'ehibe:

Maki 3:5

Ya nehite komopa'ani ule'ale hite nehago Yesu ipagu gabu gigo ipaluga logo bigo bulu'i enohoto bu goloto'a yalo ana bomofihi: Kayahi su tobo, luto lu emigo, ai yahi su tolago hetofa yaha'a legita lolo hu'ehina yabe.

Maki 6:52

Enali koyapa Yesu beleti nose'na le'mo babu lu'ehigo enegekesa hokolo mehigo ai Hu'mamofihi pana'a nohibe lite mekeheli'ahabe. To ya'ma kana ana huto mekehelise nehite enegekesa keheli keheli hite yege fi'ahabe.

Maki 8:16

Ya ligo, enali kehelite: Abo. Lali beleti nose'na lito meo'ohutamolo ya linago lite ai lu emigo ai lu emigo hite nehago Yesu kehelito ma lu epi'ehina:

Luku 24:25

Ya luto lulago Yesu ma luto lu etimi'ehina: Letaliya negi ne'aha'ibe. Koyapa'i lu huto huto bona'magi ge'ahana ka'animu letali keheli fulu hite li latahatitigu mele'aha'ibe.

Yoni 16:30

Ya'ma yata'isi kai kumu ya'ma luto nokehelune. Bona'magi enali yata'a kaga lu hokolo hu ketalana meni'ibe. Kaika silaga nasana'mu keheli su ho'ahana. Kai Hu'mamofitogati limi'ahata yana'mu keheli amuya molo'ohune.

Yoni 21:17

To Yesu ge'noka mone hiti Pitahi ho'ehina: Simonio, Yonihi pana'a yale, nani kumu nokebesifihe? Ya luto loka hago Pitau kehelito Yesu loegi monegi loka ho'ehina kiginaga fi nonimitaya yana'mu ipa'agu gabu nogigo ka lu emi'ehina: Sipi Bo yale, kai yege yege'na keheli baga ito niginaga fi nokumunaya akeheli'ahane. Ya luto ligo Yesu lu emi'ehina: Kai sipisipi yaga'ni kaba hu epolobo.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.