Maki 8:11 - Ka Lamana'a Monoꞌi Lu Mu Tifiꞌehina Ka Yabe

¹¹ Anaga bite neminago, Felosi bona'magi kehelilete'ani ete Yesuhi hiti kenasabo bilune'mu ete to ai kumu mi'i melete fi taga hi etalune'mu nehite Yesuhi nohinalo nehetite loka he'ahabe: Kokulumaguti sipi lili'na topa hose'i fato fato'i liletogo lali Hu'mau kele'mo ho ti'ehina bo nohapi menohapi bu galune.

Maki 8:11 ပူးပေါင်းရင်းမြစ်များ

Matiu 12:38

To Mosehi keya ka'mu tisa bo hiti Felosi bona'i luga'amagi li'ahana: Tisao, topa hose foyaka mone li huto hitogo bu galune.

Matiu 19:3

To Felosi bona'i mone'amagi ai nohinalo ete fi taga nehite loka he'ahana: Lali keya kaguti henana ni'igo bo moneuba liha'amofihi fa'mene le'mo he'milenogo bati huto ni'ifiye?

Matiu 21:23

Yesu mono nonuga aku'i oto tito minoto boana'i kaga enelepito mino'ehina. Ya nohigo enali mono bo hiti to Isilaeli hepato enikibina bo hiti enali Yesutoga elete ma lite loka he'ahana: Hiya'agati lito o'ahata suhi li huto nohane? Ya'mana suhi kuyu'afu kelepi'ehina suhi nohane?

Matiu 22:15

Enali Felosi bona'magi Yesuhi fi taga huto kaga loka mika halune lite enali lu keheli'ahana.

Matiu 22:18

Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 22:23

Ana yupahisigo Satusi bona'i Yesutoga e'ahana. Enali ya'mana bomagi filise bona'i aku'i ho metilabe lite lilata nehana yabe. Ya nehana bomagi Yesutoga elete ma lite loka he'ahana:

Maki 12:15

Ya nelago, Yesu enali ai'i fi taga hilune'mu enipa nehago kehelito'a ma luto lu epi'ehina: Lenali henabe lite nimi'i nemalabe? Efahi legeya'a mone ite ete nimitogo bu galube.

Maki 9:16

To Yesu pana'alobo'amagihi ma luto enoloka ho'ehina: Lenali enali hiti hena ka lite mine'ahabe?

Luku 10:25

Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 11:16

To luga'a bona'magi Yesuhi mi'i malalune'mu ma lite lu emi'ahana: Kai kokulumalugu Hu'mamofihi babeyafa'a hu lepibo lite li'ahana.

Yoni 4:48

Ya higo Yesu lu emi'ehina: Lenali kaga'ni keheli menimise nehite babeyafana fato fato'i li huto hinogo'ni bu gelete nani kumu keheli ule'ale hilata nehabe.

Yoni 6:30

Ya ligo enali loka he'ahana: Amuya babeyafana hena huse'i kai li lubulo hitogo bu goloto kaitoga komopati kimilune? Kai hena foya li huto hilata ni'ibe?

Yoni 7:48

Felosi bomagita kabati moneuba ana bomofitoga komopa'a emi'ehigo bu ge'ahana ni'ifihe?

Yoni 8:6

Enali fisa ilune'mu ya'ma kaga mi'i melete loka he'ahana. Ya hana ai Yesu melugu lipi tipi huto yahi kosa'atu mumusopagu fayahi goto mino'ehina yabe.

Aposolo 5:9

Ya ligo Pitau lu emi'ehina: Kai hiti bahaka hiti letali henabe lite lu kehelilete Sipi Bomofihi Sikalafu'a mi'i mele'aha'ibe? Bahaka akeli he ete'ahana bona'i yatai ma'asi kasito foiya nehanago enali kai'i ana hite kofite bilana'mu yabe.

1 Koliti 10:9

To mone yupahi hiti enalitogati luga'amagi Sipi Bo kumu komopa'a bati hina bo nohibe lite fi taga hi etago, Hu'mau enoho lifi'ehina osifa'magi heni epalago fili su he'ahana. Lali hiti ya huto Sipi Bomofihi fi taga mehu etalune'mu nohune.