Maki 7:34 - Ka Lamana'a Monoꞌi Lu Mu Tifiꞌehina Ka Yabe

³⁴ yalo kokulumagu bu go saga huto'a: Ke, luloto to ai'a ka'aguti Efata luto, lali kaguti: Hokolo hubo, luto lu'ehina.

Maki 7:34 ပူးပေါင်းရင်းမြစ်များ

Maki 1:41

Ya ligo Yesu sipi keke'i nolu etoto yahi li su toto bako huto ma lu emi'ehina: Ana hu ketalube. Gufa hu bati hino.

Maki 15:34

To ana kanagu Yesu sipi nogo moloto hekele luto ka'aguti ma lu'ehina: Eloi Eloi, lema sabakatani. Ya'ma lali kaguti ma lu'ehina: Oho. Hu'mao, afo'nigabe, afo'nigabe. Henabe luto he'mi neto'ahane?

Maki 5:41

To ana pa'mofihi yaha'a lito ka'aguti Taliya kumi luto, lali kaguti ma lu'ehibe: Pa'nise, ho tibo luto'ni lu nokumube.

Maki 6:41

Ya hite meto mine'ahago, Yesu ana beleti nose'na loe yagi loe yagi mone yagi to ana faya'i loemo hiti lito'a, kokulumaga bu go saga nohuto Hu'mamofitoga fokehi lu emito beleti nose'na li gofa huto pana'alobo noepigo enali lite bite gabu ite epi'ahabe. To faya'i ana huto li gofa huto epigo enali lite bite epi'ahabe.

Maki 7:35

Ya ligo ana'asi ana bomofihi ekesa'a hokolo higo to kenetufa naga'i i hepulu tulago kaga lu bati huto lu'ehina yabe.

Maki 8:12

Ya lite lago, Yesu komopa'agu, abo, luloto, yalo ma luto lu epi'ehina: Lenali yatai bona'i yale. Henabe lite nani fi taga hi netete, kokulumagati sipi lili'na topa hose fato fato'i liletogo bu galune lite nelabe? Ma'naka lu nolepube. Nani lenali yatai bona'magita sipi lili'na topa hose fato fato'i meli lepalalube'mu nohube.

Luku 18:42

Ya ligo Yesu ma luto lu emi'ehina: Kai nanitoga komopaka nimi'ahata ya'mu kubuka yatai i gili hinogo bu gobo.

Luku 19:41

Yesu Yelusale hepa lebato nehetiloto ana hepa'i bu golago bula ola huto beloloto yibi huto ma luto lu'ehina:

Luku 7:14

Ya luloto Yesu i mobuto ana fili'ehina pana'i ko'ehina sipa'alo bu leba toto yahi li'ehina. Ya nohigo enali filise bo ko'ehina sipa li'ahana bona'i analo ho tite lilete nehago Yesu lu'ehina: Pana'ise, nani lu nokumube, kai ho tibo.

Yoni 11:33

Ya luto yibi nohigo Yuta bona'i e'ahanamagi hiti yibi nehago Yesu bu go'ehina. Bu goto komopa'agu sipi ginaga figo mehi epito enoloka ho'ehina: Lenali hiyaga keli he'ahana? luto ligo enali: Malo'i oto bu gobo, Sipi Bo yale, lite lu emi'ahana.

Yoni 11:35

Ya nelago Yesu yibi hu'ehina.

Yoni 11:38

Ya li'ahago Yesu mone hiti komopa'a sipi ginaga figo kene mala malatoga buto ya'ma mulimofihi efahi mone baga'alo hekini le'ahanaga neheti'ehina.

Yoni 11:41

Ya ligo hekini le'ahana efahi li he'mi'ahana. To Yesu bu go saga huto ma lu'ehina: Afo'niga, nani kumu kehelilata nohane. Yana'mu foke ka lu kimilata nohube.

Yoni 11:43

Ya luto luloto ai ka mone sipi kehe ito: Lasalasio, leke ho limibo, lu'ehina.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Aposolo 9:34

Pitau lu emi'ehina: Eniasio. Yesu Kilisito yatai kele'mo bati nohibe. Kai ho tito nebelusaka tili huto tege hubo. Ya noligo Eniasiu ko'ehinaloti mele'isi ho ti'ehina yabe.

Aposolo 9:40

Ya hago Pitau asaga bona'i ana hasaguti enele'mo fegu toloto lapusa nohi filoto nunumu hu'ehina. Ya huloto ai ana a'mofihi i behe huto bu goloto ma luto lu'ehina: Tabitao, kai ho tibo. Ya noligo bu i gili huto Pitahi bu goloto sipaloti ho tito analo mino'ehibe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.