Maki 7:26 - Ka Lamana'a Monoꞌi Lu Mu Tifiꞌehina Ka Yabe

²⁶ Ana a'mo Giliki ka nolina to Silia metogati Fonisia naga'i nohina a'i yabe. Ai Yesutoga lipito minoto, amuya moloto ma luto loka hoba hoba huto mino'ehina: Oho. Pa'nimofihi komopa'agu foipa fele tito nohina kai le'mo he'mi etobo.

Maki 7:26 ပူးပေါင်းရင်းမြစ်များ

Matiu 15:22

Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Maki 7:25

to a'i mone pa'amofihi komopa'agu foipa fele ti'ehina pa'i ya'ma ito'afu Yesuhi kaga nelago kehelito aitoga buto gigusa'alo lipito mino'ehina yabe.

Maki 7:27

Ya ligo, Yesu fi taga hu etoto ma luto lu emi'ehina: Mafi. Yagapana'magi nose'na yata'a nelenogo kalamagi alihi nenabe. Yagapana'magihi nose'na'ani be silito kalamagihi epiloto'ni bati supo hilufihe?

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.