Maki 6:56 - Ka Lamana'a Monoꞌi Lu Mu Tifiꞌehina Ka Yabe

⁵⁶ To Yesu fato fato hepatoga asaga'i lagaso hepatogafi sipi hepatogafi kifi hepatogafi nehetigo, enali epesi'ehina bona'i aitoga enele'mete maketi hepa'i ke epalago Yesuhi buka tiba tiba hite mine'ahana. Ai kata'a nekisa'asi bako hulenogo fa hu lepalalinagihe lite enegekesa kehelite ukimi ukimi hite loka he'ahabe. To kata'a bako hi'ahana bona'magi epesi'ehinana fa hu epoloto enugufa'ani ye ko'ehina yabe.

Maki 6:56 ပူးပေါင်းရင်းမြစ်များ

Matiu 14:36

Ya hilete enali Yesuhi buka tilete ma lite li'ahana: Ke, kai kaga melitogo enebesise bona'magi guketeka nekisa'alo meko hilana bati huto ni'ifihe? To enali ana bona'i Yesuhi gukete'alo meko hana bona'i bati hi su he'ahana yabe.

Matiu 9:20

A'i mone mino'ehina ai asaga yupahi golaha'a he'miba he'miba huto minago kufu'a nayahi luga luga su hoto nigigusagati loemo heleko malago mino'ehina a'i yabe. Ai ana a'uba Yesuhi megesagati oto Yesuhi kefe'a nekisa'alo yahi li'ehina yabe.

Maki 3:10

Ai epesi'ehina bona'magihi babu lite enele'mo bati hu'ehigo, yalo epesi'ehina bona'magi yege yege'na aitoga aku'i li gehesa hite, aimo bako hilune lite'ani aitoga ikini ikini hite li gehesa hi'ahana yabe.

Luku 22:51

Ya higo Yesu bu goloto ma luto lu emi'ehina: Ya'ma suhi anasi yagi lenali yatai he'milo. Ya luloto ana bomofihi gufalo meko higo ana ekesa'a aku'i bati hu'ehina yabe.

Luku 6:19

To asaga boana'i Yesuhi gufa'alo enayatu'i meko lilune'mu hi'ahana yabe. To hena'mube? To Yesuhi amuya'auba buto asaga bona'i enele'mo bati higo ye ke'ahana.

Luku 8:44

Ai ana a'uba babu bona'magi Yesuhi le'mo bego hite minanalo tiloto Yesuhi megesalo oloto kefe'alo ana a'uba bako higo nobesinana mele'isi felele hu eto'ehina.

Aposolo 4:12

Bo mone fato'i nohinauba melehe'malina'mu yabe. Yesu ai'asigoko lele'mo lubuto bilata bo nohibe. To asaga hepa'i ni'inalogati mone gihiti bo fato'i lubuto biloto lele'malibe luto Hu'mau le'mo huto mehu'ehina yabe.

Aposolo 4:9

Le'ali bo mone gigusa'a sibina hu'ehina yatai le'mo bati hu'ohu'inamofihi le'oloka helete ya'mana bo hena huto bati hu'ehifi lite keheli bati hilune'mu nehabe.

Aposolo 5:15

Ya nehago enali boana'magi enebesi'ehina bona'i ukogu enele'mo melelete kapolo fato fato ukogu ko epele'ahana yabe. To Pitau kapo moloto nobinogo ai meha'auba enebesise bona luga'amagihi enugufalo heleko melenogo ye kalabe lite yabe.