Maki 6:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Ya hite meto mine'ahago, Yesu ana beleti nose'na loe yagi loe yagi mone yagi to ana faya'i loemo hiti lito'a, kokulumaga bu go saga nohuto Hu'mamofitoga fokehi lu emito beleti nose'na li gofa huto pana'alobo noepigo enali lite bite gabu ite epi'ahabe. To faya'i ana huto li gofa huto epigo enali lite bite epi'ahabe.

Maki 6:41 ပူးပေါင်းရင်းမြစ်များ

Matiu 14:19

To ana boana'i kifi'nalo melugu minalo luto lu epi'ehina. Ya luloto ai loegi loegi monegi beleti hiti to loe faya'i hiti liloto kokulumalugu bu golago tiloto nunumu huto fokehi li'ehina. To ai beleti li pata putu siloto koko pana'a epigo enali asaga boana'i lite bite epimofa'na hi'ahana yabe.

Matiu 15:36

To ai sebeni'a beleti hiti to faya'i lagaso meso'a loesi hiti yanuga liloto Hu'mamofitoga nunumu huto fokehi holoto gofa gofa holoto koko pana'a epi'ehina. Ya higo koko pana'amagi enali leli'ali hite asaga boana'i epi'ahana yabe.

Matiu 26:26

Enali nose'na nete nehago Yesu beleti liloto Hu'mamofitoga fokehi hoto nunumu luloto koko pana'a ana beleti li pata sito epila epila nohuto ma luto lu epi'ehina: Lenali lite nalo. Ya'ma nani nugufa'ni ni'ibe.

Maki 14:22

To nose'na nenago, Yesu beleti nose'na lito bebe sana ka luto yalo i gofa huto epito ma lu epi'ehina: Lite nalo. Ya'mana nani nugufa'ni yabe.

Maki 6:40

Ya ligo, yege yege bona'i kifina ni'inalo minela minela hite meto mine'ahabe. Mone 100 bona'i li nupa hite minela hi'ahabe. To mone'a 50 bona'i li nupa hite minela hi'ahabe.

Maki 6:42

To enali yege yege bona'i nose'na nenete enumu higo he'milete mine'ahabe.

Maki 7:34

yalo kokulumagu bu go saga huto'a: Ke, luloto to ai'a ka'aguti Efata luto, lali kaguti: Hokolo hubo, luto lu'ehina.

Maki 8:19

Nani ologo beleti nose'na 5 li gofa huto'ni 5000 bona'magi epi'ohuna yupahi letuha'a henaki sulu sulu'ya li'ahabe? Ya ligo, enali: 12 sulu sulu'ya yabe lite lu emi'ahana.

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

Luku 9:16

Ya nehago Yesu beleti nose'na loegi loegi monegi hiti faya'i loemo liloto kokulumatoga bu go saga huloto Hu'mamofihi fokehi holoto ana nose'na li tobo sito pana'alobo'a epigo enali lite bite ana bona'i bite muyaga epila maga epila hi'ahana.

Yoni 11:41

Ya ligo hekini le'ahana efahi li he'mi'ahana. To Yesu bu go saga huto ma lu'ehina: Afo'niga, nani kumu kehelilata nohane. Yana'mu foke ka lu kimilata nohube.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 6:11

Enali melugu mine su helago Yesu beleti nose'na lito nunumu huto Hu'mamofitoga fokehi holoto ana bona'i guna i epi epi hu'ehina. To loe faya'mo lito ana suhi huloto epigo nete enumu hu'ehina yabe.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Aposolo 27:35

Polu ya luto luloto beleti nose'na lito asaga enali enubulo Hu'mamofitoga fokehi ho emito nunumu huloto li pata sito nalube'mu hu'ehina.

Romu 14:6

To mone yupahi napa ni'ibe lulata bouba Hu'mamofihi gi'a liyafa huse'namu'i ana yupapogu fuli minalibe. To asaga nose'na nalata bouba ana huto Hu'mamofihi gi'a liyafa huse'namu'i kaba huto nominabe. To ai ana nose'namo Hu'mamofitoga gepohi luto bati huto yabe luto lu emito nonabe. To bo moneuba fato nose'na mo sito guya'asigo nalina ai ana huto Hu'mamofihi gi'a liyafa huto bati huto yabe lu emito nonabe.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.