Maki 6:21 - Ka Lamana'a Monoꞌi Lu Mu Tifiꞌehina Ka Yabe

²¹ To yalo mone yupahi Helotiasiu ya'ma Yonihi nona'a emilinamofihi geba huto ho fililina kapo'a bu go'ehibe. Ana yupahi Helotiu sipi nose'na laita huto yege yege bona'i kehe igo e'ahabe. Ya'ma koyapa Helotihi ito'afu ai'a keto'ehinamofi kumu beto hilana'mu li gehesa hi'ahana yupapo yabe. Kanisole bo hiti gimi bo hiti to Galili kapoguti sipi bomagi hiti e'ahabe.

Maki 6:21 ပူးပေါင်းရင်းမြစ်များ

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Aposolo 25:23

Ya ligo kelete eteka'a Agilipaugo Benisiugo etali gukete hekolo bati hite be gete he'mite hilete e'aha'ina. Etali ana hepato gimi bo hiti to olopa bona'i hiti tutuma nonugu tite minelete Fesitasiu Poluhi le'mete tilo luto kehe igo le'mete ti'ahana.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

Huto Hilina Ka 11:10

To ana mono ka leli'ali bole loemo etali melugu bona'i ya'ma enagabu gi epolose nasana sipi epilata hi'aha'inamo ni'inagi fili'aha'ina'mu yabe lite enegelo bite nose'na li nupa hite guna ite li muyalo malo hilana'mu yabe.