Maki 6:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To yalo asaga bona'magi Yesu kumu kaga liba liba hago, gihiti bo mone, gi'a Heloti, ai ya'ma kaga keheli'ehibe. To bona'magi mone'a Yesu kumu: Ai Yoniu nagami folose bouba fili'ehinaguti aho notibe. Ya'ma Yesu ai ana bo nohuto, amuya hiti nohuto'a ya'ma yege fise'na legi huto nominanagihe, lite li'ahabe.

Maki 6:14 ပူးပေါင်းရင်းမြစ်များ

Matiu 9:31

Etali bite Yesu hu etoto'ehina kaga'a asaga hepatoga lu epimofa'na hi'aha'ina yabe.

Maki 1:28

To yalo mele'isi Yesu kumu ka leli'ali hite bite asaga hepatoga Galili kapogu ni'ina hepatoga bite kaga beto hite lu epi'ehina yabe.

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 8:28

Ya ligo, enali ma li'ahana: Mone'amagi Yoniu nagami folose bo yabe lite nelabe. To mone'amagi Elaiya yabe lite nelabe. To mone'amagi koyapa ka lu huto huto bo moneuba aku'i ho notibe lite nelabe. Kai kumu ya lite nelana yabe.

Luku 13:31

Ana yupahi Felosi bona'i luga'amagi ete ma lite Yesuhi lu emi'ahana: Helotiu kahalube'mu nohinagi kai ma hepa'i he'mito foto'i fatoga bubo, lite lu emi'ahana.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Luku 7:17

Ya nelite Yesu hinanamofihi ka'a leli'ali Yutia hepaluga nehago tili tele huto kapo beletoga bula ola hu'ehina yabe.

Luku 9:19

Ya ligo enali luga'amagi: Yoniu nagami folo epolose bo nohibe lite nelago luga'amagi Elaiyau nohibe lite nelago to luga'amagi koyapa'i lu huto huto bona'i fili'ehina aku'i meluguti ho ti'ehibe lite li'ahana yabe.

1 Tesalonika 1:8

Lenalitogati ya'ma Sipi Bomofihi hetofa kagauba sipi huto buto Masetonia metoga to Akaiya metoga bu'ehina. Ya hu'ehina ya'asigo meni'ibe. Lenali Hu'mamofi kumu keheli amuya mele'ahanamofihi kaga'a noto noto hepatoga bulago yamofihi lu lepiluta'a mone mehibe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.