Maki 5:43 - Ka Lamana'a Monoꞌi Lu Mu Tifiꞌehina Ka Yabe

⁴³ To ho tito humofa'na nohigo Yesu: Ma pa'mofihi nose'na mone'a lite ete emilo, luto'a yalo amuya ka lu laga huto ma luto ka epeki'ehina: Lenali ya'ma asaga bona'magihi ka lu meepilo. Yesu ya luto lu epi'ehina yabe.

Maki 5:43 ပူးပေါင်းရင်းမြစ်များ

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Matiu 9:30

Yesu ya ligo etubu'atiti ana'asilo mele'isi i gili hu'ehina yabe. Ya higo Yesu etekesa bito ma luto lu etimi'ehina: Letali ya'mana huto nohu letotonamofihi kaga'a bona'i lu meepilo.

Maki 1:43

To Yesu amuya ka lu emito ma lu'ehina:

Maki 3:12

Yesu: Ya kaya melise minalo, luto enekesa lito lu laga hu'ehina yabe.

Maki 5:42

Ya ligo, ana'asi mele'isi ana pa'mouba ko'ehinagati ho tito humofa'na higo, enali sipi enelesa'ani lite yege fi'ahabe. Ana pa'mofihi foya kana'a 12 yabe.

Maki 7:36

Ya higo, Yesu asaga bona'magihi ma luto lipoti epi'ehina: Lenali fato bona'magihi ya'ma hu'ohunana lu meepilo. Ai ya luto lu laga huto lu epi'ehibe. Yesu luto lu epiba epiba huto hulago, enali aku'i bite fato fato bona'i lu epiba epiba hi'ahana yabe.

Maki 9:9

To alihi kosaloti nelimigo, Yesu amuya ka lu epito ma luto ka epeki'ehina: Lenali yatai bu ge'ahanana bona'magihi lu meepilo. Alihi nani, Kokulumaguti limi'ohuna Bomofita fili'ohunaguti ho notinogo'ni bati hite ka lu epilabe.

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

Luku 5:14

Ya hulago Yesu amuya moloto ekesa bi'ehina: Kai ya'ma hunanamofihi bona'i lu meepise kigi bito mono bo nohilinalo bitogo ai kugufaka beloloto bu kogolenogo kai kugufa gololo tinalo nona'a tu lokiya fi emibo. To Mosehi ka'auba lu'ehina'a huto yabe. Ya hitogo asaga bona'i enali yatai agololo ti'ahane lilabe.

Luku 8:56

To ana pa'mofihi ito'afugo afo'afugo topa helete etelesa'atiti ligo Yesu ma luto etegekesa bi'ehina: Letali ma huto hinanamofihi hapa'a bona'i lu meepiliyo luto lu etoto'ehina.

Yoni 5:41

Bona'magi nani nigi'ni li saga hilanamofi kumu nani sa sa menohube.

Aposolo 10:41

Silaga bona'i be mege'ahana lalisigo Hu'mau ai le'mo ho ti'ehina bomofi kumu luto bu go'ohutoti yabe. Hu'mau kene keliguti le'mo ho tilago ai hiti nose'na moneka no'ohune.