Maki 5:36 - Ka Lamana'a Monoꞌi Lu Mu Tifiꞌehina Ka Yabe

³⁶ To Yesu kehelito enali ka'ani he'mito to anaga bilube'mu nohuto'a ai mono nohi kaba bomofihi ma luto lu emi'ehina: Kai koli mehubo. Nanitoga keheli ule'ale huto minobo.

Maki 5:36 ပူးပေါင်းရင်းမြစ်များ

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 9:18

Yesu ana kaga lu epito nohigo kaba bo mone Yesuhi metoga o leba toloto to ai lapusa nohi fi emiloto ma lu'ehina: Pa'ni ma'asi afili'ehibe. Ya hu'ehinaya kai oto kayaha'atu gufa'alo meko hitogo ai aku'i ho tito minalibe.

Maki 5:22

Ya nehago, mono nohi kaba bo moneuba, gi'a Yailusi ai Yesuhi bu nogoto oto aitoga lipito minoto amuya moloto ma luto loka ho'ehina: Oho. Lagaso pa'ni sibina nobesigo ma'asi fililube'mu nohibe. Kai buloto kayahi gufa'alo li keheli etetogo mefilise ye koto fulu besilina'mu yabe.

Maki 5:34

Ya ligo Yesu kehelito ma luto lu emi'ehina: Oho, pa'nimaka. Kai nanitoga keheli ule'ale hu'ahata yanauba kugufaka le'mo bati hibe. Kebesi'ehinana yatai fa hu keto'ehinagihe. Kelesaka melinogo fulu huto bubo.

Maki 9:23

Ya ligo, Yesu ma lu emi'ehina: Kai henabe luto keheli bati nohapiye luto noloka hane? Nanitoga keheli ule'ale huto komopa'a nimilina bouba asaga'na bati huto li huto hilina'mu yabe.

Luku 8:50

Yesu kaga'atiti akeheliloto Yailusihi ma luto lu emi'ehina: Kai koli mehuse nohutoka, pa'i nohibe luto kehelito kaga'ni li pili ko minetogo ai aku'i buna salina'mu yabe.

Yoni 11:40

Ya ligo Yesu lu emi'ehina: Hena'mube? Yata'a lu kimi'ohunamofihi mekeheli'ahatafihe? Kai nanitoga keheli ule'ale hinogomo Hu'mamofihi amuya'a hiti fana tose'na'a hiti bu galane luto lu kimi'ohunagihe.