Maki 5:34 - Ka Lamana'a Monoꞌi Lu Mu Tifiꞌehina Ka Yabe

³⁴ Ya ligo Yesu kehelito ma luto lu emi'ehina: Oho, pa'nimaka. Kai nanitoga keheli ule'ale hu'ahata yanauba kugufaka le'mo bati hibe. Kebesi'ehinana yatai fa hu keto'ehinagihe. Kelesaka melinogo fulu huto bubo.

Maki 5:34 ပူးပေါင်းရင်းမြစ်များ

Matiu 9:2

Luga'a bona'magi bo mone gi yahi sibina hu'ehina bo sipa'alo ko'ehigo Yesutoga le'mete e'ahana. Ya hago Yesuhi aitoga komopa'ani mele'ahana bu goloto Yesu ana gigusa'a sibina hu'ehina bo ma luto lu emi'ehina: Pana'ni, kipagu fulu hino. Nani foipanaka li nohe'mi ketobe.

Matiu 9:22

Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

Maki 10:52

To Yesu ma lu emi'ehina: Kai nanitoga keheli ule'ale nohatalo'i kele'mo bati nohunagihe. Ya hugo hepakaga bati huto bubo. Ya ligo, ana'asi bu'a bati higo bu goto Yesuhi mege'i moloto kapo molo'ehina yabe.

Maki 3:10

Ai epesi'ehina bona'magihi babu lite enele'mo bati hu'ehigo, yalo epesi'ehina bona'magi yege yege'na aitoga aku'i li gehesa hite, aimo bako hilune lite'ani aitoga ikini ikini hite li gehesa hi'ahana yabe.

Maki 5:29

Nani kata'a anasi bako hulenogo nebesise'na fa hu netalina'mu yabe. Ya luto buto asaga bona'magi nebana hiti buto'a Yesuhi mege'i bu'ehibe.

Maki 5:33

Ya nohigo ana gufa'a le'mo bati hu'ehina a'uba ai ekesa nokehelito koli nohuto to afoya foya noito oto, aitoga lipito asaga ka lu hokolo huto lu emi'ehina.

Luku 17:19

Yesu ma luto ana bo lu emi'ehina: Kai kaga keheli ule'ale nohatanauba kele'mo bati nohinagi kai ho tito bubo.

Luku 18:42

Ya ligo Yesu ma luto lu emi'ehina: Kai nanitoga komopaka nimi'ahata ya'mu kubuka yatai i gili hinogo bu gobo.

Luku 7:50

To Yesu ana a'mofihi ma luto lu emi'ehina: Kai agoyanaka nanitoga malalata yauba kele'mo bati nohinagi komopaka fulu hinogo kofokehi hoto hepakaga bubo, luto Yesu lu'ehina yabe.

Luku 8:48

Yesu lu emi'ehina: Pa'nimaka kaika kaga keheli ule'ale huto minose'nakauba kele'mo ye nokabe. Kai nobitogo kipaka fulu hino.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.

Aposolo 15:33

Yutasiugo Silasiugo nesi kana'asi ana hepato minela'igo enalalu'ani nehanaga aku'i i behe hite bila'ibe lite fulunaguti etoho lifi'ahana yabe.

Aposolo 16:36

Ya lago naga noto kasito kaba hulata bouba ana kaga buto ma luto Poluhi lu emi'ehina: Lomu gamani bona'magi kai hiti Silasi hiti nagaluguti gulu hete biliyo lite gimi bomagitoga kaga malago lite e'ahana. Ya lanagi letali letipagu fulu hinogo biliyo luto lu etimi'ehina.

Yemesi 2:16

lenalitogati moneuba ma luto lu epilina: Nalalu'nigitabe. Nehafihe? Bati hite minalo. To mukoho'a hiti lenumu hinogo minalo luto lu epilinaya enehe'moto enubuto mebilina yamofihi futu'a lilina'mu yabe.