Maki 5:30 - Ka Lamana'a Monoꞌi Lu Mu Tifiꞌehina Ka Yabe

³⁰ To kata'a bako higo Yesu ana'asi amuya'a bu su ho'ehina komopa'atu kehelito i behe huto bona'magihi enoloka ho'ehina: Kiyi'afu kata'nilo bako hu'ehibe?

Maki 5:30 ပူးပေါင်းရင်းမြစ်များ

Maki 5:31

Ya ligo, pana'alobomagi ma lu emi'ahana: Akae. Silaga bona'magi kaitoga ikini ikini hite nehago bu go'ahane. To kai, kiyi'afu bako he neto'ehibe luto nolataya henabe lutobe?

Luku 5:17

Mone yupahi Yesu boana'i kaga lu epita minanalo keya ka tisa bo to Felosi bo mine'ahana. Enali asaga hepatoti Galili to Yutia kapoguti to Yelusale hepatoti e'ahana. To Hu'mamofihi amuya'auba Yesu hiti minago enebesise bona'i enele'mo bati hu'ehina yabe.

Luku 6:19

To asaga boana'i Yesuhi gufa'alo enayatu'i meko lilune'mu hi'ahana yabe. To hena'mube? To Yesuhi amuya'auba buto asaga bona'i enele'mo bati higo ye ke'ahana.

Luku 8:46

Aku Yesu lu'ehina: Mone kene'uba kefe'nilo bako higo amuya'ni he'mi netoto nobigo molo nokehelito nolube lu'ehina.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.