Maki 5:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ya ligo, Yesu kehelito ai hiti bi'aha'ibe. To neba'igo yege yege bona'magi etali hiti hetegete nebago ikini ikini hu'ehibe.

Maki 5:24 ပူးပေါင်းရင်းမြစ်များ

Maki 3:20

To Yesu ya'ma aposolo bomagihi enele'mo ho tiloto'a yalo hepa'aga bufa hu'ehibe. To ya higo bona'i babu lite aitoga aku'i bite li gehesa hilago, Yesugi pana'alobomagi nose'na menese mine'ahanagihe. To ya hago Yesuhi bona'amagi ya'ma kehelilete: Sibi lalibe, lite bite aimo anagati le'mo nu kite bufa hilune'mu habe.

Maki 5:25

To ai'i moneuba sopaluga buba buba hu'ehina a'mouba anaga nobina yabe. Ana a'uba 12 foya kanagu ya huto minoto,

Maki 5:31

Ya ligo, pana'alobomagi ma lu emi'ahana: Akae. Silaga bona'magi kaitoga ikini ikini hite nehago bu go'ahane. To kai, kiyi'afu bako he neto'ehibe luto nolataya henabe lutobe?

Luku 11:29

Babu bona'i li nupa hite Yesu le'mo folagahi hite minago Yesu ka mone ma luto lu epi'ehina: Yatai boana'ise, bati mehana boana'i nehabe. Enali sipi lili'nakamofi kumu topa hose'na'a Hu'mau bati huto yabe lilina yamofihi hu lelepibo lite noloka nehanaya nani hu meenelepiluna moneko Yonaha topa hose'na'a hu enelepiluna'mu yabe luto Yesu lu'ehina.

Luku 12:1

Babu boana'i li nupa hite yege yege'magi ikini ikini hite ai gufalo ai gufalo hite mone'mofihi gigusalo i sala kose suhi hite nehago ana kana'alo Yesu pana'alobo'a yata'a luto lu epi'ehina: Lenali Felosi bona'magi faga faga lilana'mu hapa'ani kaba hu bati hite minalo.

Luku 19:3

Ai Yesu hena huse bo nohifi luto bu galube'mu hu'ehina. Ya hina ai hupamone bo nohigo asaga bona'magi Yesuhi le'mo folagaha'anigu mele'ahago ai Yesuhi bu mego'ehina.

Luku 7:6

Ya lago Yesu ka'ani keheli epito ana bona'i hiti moneka bi'ahana. To ana bomofihi nohi kasitoga lebatosi nebago lalu'agihi enoho lifigo bite Yesuhi le'mo melete ma lite lu emi'ahana: Sipi Bo kai kosele kahalibe. To nani bati bo menohunagi noha'nigu kai metilane luto nokehelube.

Luku 8:42

yege pa'a mone'isi besito filise'na nohigo bilu'ibe luto loka ho'ehina. Ana pa'i nayahi luga luga su hoto mone kegi'ati loemo heleko malago kufu'a bu'ehina. Yesu kapo moloto nobigo babu bona'magi le'mo folaganugu melelete luga lugati peninite nebago bu'ehina yabe.

Luku 8:45

Ya higo Yesu: Nugufalo kuyu'afu bako nohibe luto asaga bona'i enoloka hago enali ya mehu'ohune lite bahane nehago Pitau ma luto lu emi'ehina: Kaba bo'ni babu boana'magi kele'mo bego hi'ahabe. Henabe luto bahane halube?

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.