Maki 5:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Yalo asaga bona'magi ete bu galune lite ete Yesutoga nehetite, to ana negi bo ekesa hokolo higo kata bito legeso huto meto nominago bu gelete enelesa'ani lu'ehibe.

Maki 5:15 ပူးပေါင်းရင်းမြစ်များ

Matiu 12:29

Bona'i enali amuya bomofihi noha'aguti tite fe'noha'a bu go'ehigo lilata menehabe. Enali ana bo gilo yato naga ilete yato noha'agu tite silaga fe'noha'a lilana'a huto ni'ibe.

Matiu 26:53

Nani Afo'nifihi nehe'malibe luto kehe ilunaya agelo gimi bo 12 tauseni'a be ligito babu lito enoho mefilibe luto kai mekehelipiye?

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Maki 5:14

Ya hilago, yaga kaba bona'magi sipi koli hite me'me hite bite hepatoga bona'i to kifigu bona'i hiti asaga'i ana ka beto hite lu epite mine'ahana yabe.

Maki 5:16

To enali bu ge'ahana bona'magi bite ana negi bo'mu to yagamagi kumu kaga beto hilago,

Maki 5:18

To ya lago, Yesu enalitogati he'mito buto botigu notigo, ana negi bouba oto: Kai hiti bilu'ibe, luto buka tito loka ho'ehina.

Maki 5:4

Fato fato yupapogu, seni nagatu sa gilago ai ana naga'i li hepulu tuto'a to gi yaha'alo gi'ahana naga'i li pa solata hu'ehina yabe. Ana bouba lopi fito minago enali le'mo fulu mehi'ahana yabe.

Maki 5:9

To ya ligo Yesu: Kigika ho nimibo ligo ai: Nigi'ni Yege yege'nao yabe, luto'a, lali yege yege fele nohutagihe, luto lu emi'ehibe.

Luku 10:39

Matahi gona'a pa'i mone mino'ehina, gi'a Malia, ai Yesu nohina meha'asilo oto minoto Yesuhi kaga'a keheliba keheliba huto mino'ehina yabe.

Luku 8:27

Yesu botiguti heleko limito nagami kehetoga gigusa notigo bo mone foipa fele ailuga nina ana hepatoti Yesutoga o'ehina yabe. Ana bo koyapa'i gufa'alo gukete'a mehepise gufa yapako kifi kifi kene mala mala hepa'i ninalo bula ola huto muli'mogu minolata nohina bo yabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

2 Timoti 1:7

Ya nohitogo yanamofi kumu ma luto kehelibo. Hu'mau Sikalafu'a lalitoga ho lifi limi'ehina ai lelesati lulata nohina nasana meni'ibe Sikalafu'uba komopatigu limito ai'a amuya'a hiti to ginaga fise'na'a hiti limilata nohinagi to legekesa hokolo hu letalinamofihi limilata nohibe.