Maki 4:24 - Ka Lamana'a Monoꞌi Lu Mu Tifiꞌehina Ka Yabe

^24-25 To ma ka hiti lu epi'ehina: Lenali nekehelina kagamomu'i kaba hite minalo. Hu'mau ka kehelilata bomofitoga kaga hapa'a mone hiti lu emilibe. To kaga mekehelilata bomofitoga mone nesi'asi keheli'ehina kagamofihi hapa'a aku'i fala ki etalibe. Hu'mau ya huto lenali aitoga hi emilata supo huto aku'i babu luto hu epalalibe.

Maki 4:24 ပူးပေါင်းရင်းမြစ်များ

Matiu 7:2

To Hu'mau hu'ehilata bameto li moloto kele'mo yegelo malalina'mu yabe. To kaga luto bona'i ya amuya'niloti yabe lilata Hu'mau ana mone'ago kagaloti kele'mo yegelo malalina'mu yabe.

Maki 9:7

To yalo enalitoga sopohi gilago soponuguti nogo moloto ma lu'ehina: Ya'ma bo nani'ni pana'ni nohibe. Nigi moneko pana'ni nibita hu'ehina pana'ni nohinagi ka'a kehelilo.

Luku 8:18

Yana'mu lenali kaba hu bati hilo. Lenali kaga keheli bati hilanamo'mu nolube. To bo moneuba kehelise'na lilana Hu'mau ai mone'a hiti babu lito emilina'mu yabe. To bo moneuba kehelise'na melise fa'mene nohilina yalo ai kehelise'na mone ali'ohube luto ekesa noyigilina Hu'mau li he'milina'mu yabe.

Yoni 10:16

To fato fato sipisipi yaga'ni mana bihugu menehana'a enali'i sa sa huloto enele'moto oto li nupa hu epalalube. Enali nogo'ni kehelite ete li nupa hite to kaba bo'ani moneko'isi nohigo moneko'na hite minalune'mu habe.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Yoni 5:25

Nani ma'naka lu nolepube, kana'a huto hilube'mu hu'ehina kana'a yatai ahuto hu'ehibe. To enali filise bona'magi Hu'mamofihi Pana'amofihi nogo'a kehelinogo luga bona'i kehelite li pili kalanamagi mino kosaba hilana'mu yabe.

Aposolo 17:11

Enali Yuta bona'i Belia hepalugu enegekesa hokolo nehanamagi hetofana hite koyone hi'ahana. To luga'a Yuta bona'i Tesalonika nehanamagi suhi lite memine'ahana. Enali Belia bona'magi ka'atiti keheli bati hite laga'ani epesigo asaga yupahi mono buku'ani hiti lite e'ehite Polugo Silasiugo faga lila'ifi ma'naka lila'ifi lite leka so bati hite bu golata hi'ahana.

2 Koliti 9:6

To kefahi li nupa hilana'mu fono ka ya'ma ya luto noluna keheli'ehilo. Lenali bigaha'a nesi'a ho kafaluta ya'ma minoto legeya'a nesi'asigo lilune'mu hune. To bihi nasana asaga bihina lolo hiluta yamofihi minoto samahi tito lilune'mu hune.

Hibulu 2:1

Ya hu'ehina'mu lali laga mehina kapo legeso huto bili lalune luto ka'a keheli'ohutamo ya'ma aku'i le'mo kosaba huto amuya moloto li pili koto kehelito minalune.

1 Pita 2:2

He'mi su hete yagapana'i ya suhi hite lenali Hu'mamofihi hetofa kaga'muko lepesinogo minalo. To yamofihi nemebite Hu'mamofihi ka'a hiti minete hofa talabe. To Hu'mau foipana nagaluguti lenele'mo gulu halibe.

1 Yoni 4:1

Komopa'ni nolepuna bona'ise. Sikalafu'uba lele'mo babahi higo lulata nohune lite lilata nehana bona'i asaga'magitoga ka'a ya'ma sibigopa mekehelilo. Kaga'a mone ya'ma Hu'mamofitogati ni'ifi meni'ifi keheli fotogo hilune lite kaba hilo. Ka'a leli'ali bona'i fagamofihi silaga'i huto hilete babu li'ahana ni'ibe.