Maki 4:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Nose'na tili hu'ehina bouba ai Hu'mamofihi kaga tili hu nohe'mibe.

Maki 4:14 ပူးပေါင်းရင်းမြစ်များ

Matiu 13:19

Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Matiu 13:3

To Yesu babu bame ka ma luto lu epi'ehina: Bo mone mino'ehina ai foya'agu nose'na legeya'a tili hilube'mu bu'ehina yabe.

Matiu 13:37

To Yesu ka'anilo lu'ehina: Bo ai hetofa nose'na legeya'a foyagu tili hulata nohinaya Kokulumaguti limi'ehina Bo nohibe.

Maki 2:2

To ai nonugu minoto Hu'mamofihi kagamo lu noepigo, babu bona'magi anaga bite li gehesa nehite kasiha'alo ikini ikini hite minago kapo mone hokolo mehu'ehina.

Maki 4:13

To Yesu ma luto lu epi'ehina: Lenali ya'ma fono kamofihi hapa'a mekeheli'ahafiye? Ana, asaga fono ka hiya hite kehelilabe? Hapa'a ya'ma yabe.

Maki 4:15

To tili hu nohe'migo soto limi'ehina'a ya'ma ma hise bona'mo nehabe. Enali kaga kehelilago ana'asi Satau oto komopa'aniguti kagamo enebe nosilibe.

Maki 4:3

Kehelilo. Bo moneuba nose'na bigaha'a tili huto kafalube luto bu'ehina.

Luku 1:2

Enali ana bona'magi enubuguti bu ge'ahago anana huto hu'ehina bona'magihi enabaga enemege'i mele'ahana yata'a mana kaga to asaga yupahi yabe. Enali ya'mana bona'i Hu'mamofihi kaga'alo lili'nalo bo'a mine'ahana to ya'mana kaga lalitoga nelimibe.

Luku 8:11

Bame kamofihi hapa ma huto ni'ibe. Nose'na biha'amoya Hu'mamofihi kaga'a yabe.

Aposolo 8:4

Enali Yesutoga komopa'ani emi'ahanamagi tili tele hite bite minela minela hi'ahana hepatoga ka lamana'a lu yege he'ahana.