Maki 3:7 - Ka Lamana'a Monoꞌi Lu Mu Tifiꞌehina Ka Yabe

^7-8 To Yesu pana'alobomagi hiti anagati he'mite bite Galili nagami beletoga bi fa hi'ahago, yege yege boana'magi Galili kegi'ati Yutia kegi'ati Yelusale hepatogati, Itumia kapoguti, Yotani nagami muya beletogati ete to Taiya kegi'ati, Saitoni kegi'ati, babu lite yege yege bona'magi Yesu hu'ehinana kehelilete aitoga e'ahabe.

Maki 3:7 ပူးပေါင်းရင်းမြစ်များ

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 12:16

Ya nohuto ana bona'i enekesa biloto lenali nani kumu'i bona'i lu meepilo luto lu epi'ehina yabe.

Matiu 4:25

Babu boana'i Galiliti Tekapoli kegi'ati to Yelusale hepatoti, Yutia kegi'ati to Yotani beletoga neminana boana'i asaga'i babu lite li nupa hite, Yesuhi mege'i molomofa'na hi'ahana yabe.

Maki 1:39

Ya luloto buto asaga Galili kapogu bego bego huto mono noha'anigu tito ka lu noepito, to foipa fele li he'mi epololata huto mino'ehina yabe.

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 3:20

To Yesu ya'ma aposolo bomagihi enele'mo ho tiloto'a yalo hepa'aga bufa hu'ehibe. To ya higo bona'i babu lite aitoga aku'i bite li gehesa hilago, Yesugi pana'alobomagi nose'na menese mine'ahanagihe. To ya hago Yesuhi bona'amagi ya'ma kehelilete: Sibi lalibe, lite bite aimo anagati le'mo nu kite bufa hilune'mu habe.

Maki 4:1

To mone yupahi hiti Yesu Galili nagami beletoga buto nohuto kaga lu noepito'a to babu bona'i aitoga li gehesa nehago ai boti nagamilugu ni'igo buto tito anagu mino'ehibe.

Luku 23:5

Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Luku 6:12

To ya'mana yupahi Yesu nunumu hilube'mu kosa monelugu tiloto Hu'mamofitoga nunumu hu emi'ehina. To nunumu huba huba nohigo sinihi gito go'i lu'ehina yabe.

Luku 6:17

To Yesu enali hiti limito me'i kuguma hinalo koko pana'a luga'a hiti ho ti'ahana. To babu boana'i Yutia kegi'ati to Yelusale hepatoti yagi to Taiya nagami beletoga bona'i yagi to Saitoni hepato bona'i ete mine'ahana yabe.

Yoni 7:41

To luga'amagi li'ahana: Ai Mesiaumo nohibe. Ya nelago luga'amagi li'ahana: Mesiau Galili metogati huto mehilina'mu yabe.

Yoni 7:52

Ya luto ligo enali loka he'ahana: Kai hiti Galili bomo nohapihe? Mono ka leka so bati huto bu gobo, kaga lu hokolo hulata bo Galili metogati huto mehilina'mu yabe.

Aposolo 17:10

To ana folugu'i sinihi ginogo Yesutoga agoya hu emi'ahana bona'magi Polunogo Silasinogo Belia hepato mele'isi etoho lifi'ahana. Ya hago etali Belia hepato henetilete Yuta bona'magi mono li gehesa huse nonuga bite ti'aha'ina yabe.

Aposolo 17:14

Ya nehago Yesutoga agoya hu emi'ahana bona'magi Poluhi mele'isi le'mo he'migo hege nagami beletoga limi'ehina. Ya nohigo Silasiugo Timotiugo etali Belia hepatoga mine'aha'ina.