Maki 3:22 - Ka Lamana'a Monoꞌi Lu Mu Tifiꞌehina Ka Yabe

²² To Yelusale hepatogati mono ka negana bomagi limite Yesu kumu ma lite li'ahabe: Oho. Ai komopa'agu foipa feleuba, olopa felemo, gi'a Bielesebulu, ana feleuba komopa'agu tito nohibe. To ana amuya feleuba aimo le'mo amuya nomalago ai bona'i komopa'aniguti fele li nohe'mi epalabe.

Maki 3:22 ပူးပေါင်းရင်းမြစ်များ

Matiu 10:25

To sukulu pana'uba tisa bo'a lolo hilina bati huto ni'ibe. To koko pana'uba sipi bo'a lolo huto minalina bati huto ni'ibe. Nani afotinifita enali foipa felemofihi gi'a Bielesebulu nanitoga mele'ahana suhi hite lenali'i ana hite babu lite foipa lenigi halana'mu yabe, luto Yesu lu epi'ehina yabe.

Matiu 11:18

Yoniu o'ehina ai nose'na nola to bai nagami'i nola mehu'ehina yabe. Ya nohigo lenali ma lite li'ahana yabe: Foipa fele ai komopa'agu ni'ibe lite li'ahana yabe.

Matiu 12:24

Ya nelago Felosi bona'magi kehelilete ma lite li'ahana: Ai foipa fele li nohe'mi epalanaya foipa felemagihi sipi bo'ani Bielesebulu amuya emi'ehigo nohibe.

Matiu 15:1

To Felosi bona'i luga'a hiti keya kamu'i tisa bona'i luga'a hiti Yelusale hepatogati ete Yesu nohinalo nehetilete ma lite loka he'ahana:

Matiu 9:34

Ya nelago Felosi bona'magi ma li'ahana: Ai foipa felemagihi kaba bo'aniuba amuyana emigo foipa fele li nohe'mi epalabe, lite li'ahana yabe.

Maki 7:1

To mone yupahi Felosi bona'magi to Yelusale hepatogati mono babafimagi hiti ete Yesuhi pana'alobo'amagi enayahi nagamilugu okala mehise nose'na nenago bu ge'ahabe. Ya'ma bu gete enipagu sibina hu'ehibe.

Luku 11:15

Yesu ya hinana bu gelete luga'a bona'magi ma lite li'ahana: Bielesebulu foipa felemagihi sipi kaba'ani nohinago ai ma bomofihi aitogati amuya emi'ehigo yanatu'i foipa fele li nohe'mibe lite li'ahana.

Luku 5:17

Mone yupahi Yesu boana'i kaga lu epita minanalo keya ka tisa bo to Felosi bo mine'ahana. Enali asaga hepatoti Galili to Yutia kapoguti to Yelusale hepatoti e'ahana. To Hu'mamofihi amuya'auba Yesu hiti minago enebesise bona'i enele'mo bati hu'ehina yabe.

Yoni 10:22

Ko ito yasi hina kana huto higo to Yelusale hepalugu koyapa'i sipi mono nohi aku gi'ahananamofihi enali ya'ma beto hise ya'mu sipi nose'na nalata yupahi analo Yuta bona'i li gehesa hi'ahana yabe.

Yoni 7:20

Ya luto ligo asaga boana'magi Yesuhi ka'alo nona'a li'ahana: Kaitoga foipa fele ni'ibe. Kiyi'afu koho fililube'mu nohibe?

Yoni 8:48

Yuta bomagi aku i behe hite Yesutoga ete loka he'ahana: Kai Samalia kegi'a bo nohane, to foipa fele kai kugufagu ni'ibe lulata nohuta ya ma'naka nolupihe?

Yoni 8:52

Ya ligo Yuta bomagi lu emi'ahana: Yatai keheli bati hu ketone. Kailugu foipa fele nohibe. Abalahau filigo, kaga lu huto hulata bo filigo hi'ahanamo ninaya, kai: Nani kaga'ni liyafa huto mege'i malalinauba mefililibe nolane.