Maki 3:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ai epesi'ehina bona'magihi babu lite enele'mo bati hu'ehigo, yalo epesi'ehina bona'magi yege yege'na aitoga aku'i li gehesa hite, aimo bako hilune lite'ani aitoga ikini ikini hite li gehesa hi'ahana yabe.

Maki 3:10 ပူးပေါင်းရင်းမြစ်များ

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 14:14

Alihi Yesu nagami beletoga keheto buloto babu boana'i nehago bu enogo'ehina yabe. Ya hago ai ginaga fi epiloto enebesi'ehina bona'ani enele'mo bati hu'ehina yabe.

Matiu 14:36

Ya hilete enali Yesuhi buka tilete ma lite li'ahana: Ke, kai kaga melitogo enebesise bona'magi guketeka nekisa'alo meko hilana bati huto ni'ifihe? To enali ana bona'i Yesuhi gukete'alo meko hana bona'i bati hi su he'ahana yabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Maki 5:34

Ya ligo Yesu kehelito ma luto lu emi'ehina: Oho, pa'nimaka. Kai nanitoga keheli ule'ale hu'ahata yanauba kugufaka le'mo bati hibe. Kebesi'ehinana yatai fa hu keto'ehinagihe. Kelesaka melinogo fulu huto bubo.

Maki 6:56

To Yesu fato fato hepatoga asaga'i lagaso hepatogafi sipi hepatogafi kifi hepatogafi nehetigo, enali epesi'ehina bona'i aitoga enele'mete maketi hepa'i ke epalago Yesuhi buka tiba tiba hite mine'ahana. Ai kata'a nekisa'asi bako hulenogo fa hu lepalalinagihe lite enegekesa kehelite ukimi ukimi hite loka he'ahabe. To kata'a bako hi'ahana bona'magi epesi'ehinana fa hu epoloto enugufa'ani ye ko'ehina yabe.

Maki 8:22

To yalo Yesu to pana'alobomagi hiti Betesaita hepatoga nehetite neminago, bona'magi bo mone bu pisi lu'ehina bomo Yesutoga le'mete bite: Oho. Kayapotu bako huletogobe lite buka tilago,

Luku 5:3

Yesu mone botigu ti'ehina. Ya'mana boti Simonihi boti ni'igo loka hago nagami folagaha'agu nesi'asi fitu fo molo'ehina. Ya hulago Yesu botigu nohuto bona'i kaga lu enelepi'ehina.

Luku 6:19

To asaga boana'i Yesuhi gufa'alo enayatu'i meko lilune'mu hi'ahana yabe. To hena'mube? To Yesuhi amuya'auba buto asaga bona'i enele'mo bati higo ye ke'ahana.

Luku 7:2

To Lomu hepato gimi bomagihi kaba bo'animofihi koko pana'a mone mino'ehina. Ya higo ana gimi bo'auba ai hetofa pana'ni yabe luto le'mo bati hu'ehina yatai ana koko pana'a sipina besito afilise'na hu'ehinalo Yesu ana hepalugu heneti'ehina yabe.

Luku 7:21

To ya'mana yupahi Yesu babu boana'i fato'na epesi'ehina enele'mo bati hu'ehina. To foipa fele babu lito komopa'anigu mino'ehinana li he'mi epolo su ho'ehina. To enubu mone kegi'a sipina hu'ehina bona'i babu lito enubu'ani aku'i li gili hu epolo'ehina yabe.

Aposolo 5:15

Ya nehago enali boana'magi enebesi'ehina bona'i ukogu enele'mo melelete kapolo fato fato ukogu ko epele'ahana yabe. To Pitau kapo moloto nobinogo ai meha'auba enebesise bona luga'amagihi enugufalo heleko melenogo ye kalabe lite yabe.

Hibulu 12:6

Sipi Bo ai komopa'a epilata nohina bona'i asaga'naloga hima muhi fi epoloto enele'mo bati hulata nohibe. To ai yagapana'a lamana'a enele'mo molo'ehina silaga panana'amagihi segi osahi epito enele'mo fotogo hulata nohibe.