Maki 2:2 - Ka Lamana'a Monoꞌi Lu Mu Tifiꞌehina Ka Yabe

² To ai nonugu minoto Hu'mamofihi kagamo lu noepigo, babu bona'magi anaga bite li gehesa nehite kasiha'alo ikini ikini hite minago kapo mone hokolo mehu'ehina.

Maki 2:2 ပူးပေါင်းရင်းမြစ်များ

Matiu 5:2

Ya hago Yesu kaga ma luto lu epi'ehina:

Maki 1:14

To alihi Yonihi naga nonugu le'me mele'ahago, Yesu Galili kapogu nehetito Hu'mamofihi kapo'mu ka lamana'a lu yege nohoto ma luto lu'ehibe:

Maki 1:33

Asaga ana hepato bona'magi aitoga ete kasito li gehesa nehago ai fato fato epesi'ehina bona'i babu lite enele'mo bati hu'ehibe.

Maki 1:37

Asaga bona'magi kai kumu sa nehabe.

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 2:1

Kana nesi'asi su holago Yesu Kapaneami hepatoga nehetito nonuga ti'ehibe. Ya higo asaga bona'magi: Noha'agu tito nohibe, lite keheli'ahabe.

Maki 2:13

To Yesu mone kanagu ana huto nagami beletoga buto nohigo to asaga bona'magi aitoga bite li gehesa nehago ai kaga lu epito mino'ehibe.

Maki 6:34

To Yesu alihi anaga nehetito enali li gehesa nehanamo bu enogoto keke'i lu epolo'ehina yabe. Enali sipisipi yagamagi, kaba bo'ani meminana suhi lite nehago bu goto keke'i lu epolo'ehina yabe. Ya huto'a kaga lu enelepiba enelepiba huto mino'ehibe.

Luku 12:1

Babu boana'i li nupa hite yege yege'magi ikini ikini hite ai gufalo ai gufalo hite mone'mofihi gigusalo i sala kose suhi hite nehago ana kana'alo Yesu pana'alobo'a yata'a luto lu epi'ehina: Lenali Felosi bona'magi faga faga lilana'mu hapa'ani kaba hu bati hite minalo.

Luku 5:17

Mone yupahi Yesu boana'i kaga lu epita minanalo keya ka tisa bo to Felosi bo mine'ahana. Enali asaga hepatoti Galili to Yutia kapoguti to Yelusale hepatoti e'ahana. To Hu'mamofihi amuya'auba Yesu hiti minago enebesise bona'i enele'mo bati hu'ehina yabe.

Luku 8:1

Aliha'a nesi'a minoto Yesu sipi hepa'ifi to lagaso hepa'i ninalo ninalo bula ola huto Hu'mamofihi kapo'amofihi hetofa kaga'a boana'i enalitoga lu epimofa'na hu'ehina yabe. To nayahi luga luga su hoto nigigusagati loemo heleko malago hite Yesuhi koko pana'a minana mege'i melete bi'ahana yabe.

Luku 8:11

Bame kamofihi hapa ma huto ni'ibe. Nose'na biha'amoya Hu'mamofihi kaga'a yabe.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 14:25

Etali Pega hepatoga ka lamana'a lu yege helete yaloti he'mite Atalia hepalugu limi'aha'ina yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 8:25

Alihi etali bu ge'aha'inanamofihi kaga'a hiti Hu'mamofihi kaga'a hiti lu epi su helete etali i behe hite Yelusale kapo melete bi'aha'ina. Etali kapo melete nebite Samalia fato fato hepato ka lamana'a lu epime lu epime bi'aha'ina yabe.

Romu 10:8

Yesuhi mege'i molose'namofihi hapa'a ya huto meni'ibe. Ana fayahi ma luto mono bukugu nolibe: Ka hapa'a foto'i meni'ibe. Lebato'isi ni'ito komopakagu kabagakagu ni'ibe. To lali kagamu'i lu yege nohota ka yabe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.