Maki 2:12 - Ka Lamana'a Monoꞌi Lu Mu Tifiꞌehina Ka Yabe

¹² To ya ligo ana bouba ana'asi ho tito nebelusa'a kofito bufa hu'ehigo, enali asaga'i yege fite topa hete Hu'mamofi kumu fokehi lite ma li'ahana: Akae. Lali koyapa bu mego'ohuta suhi yatai li huto hibe.

Maki 2:12 ပူးပေါင်းရင်းမြစ်များ

Matiu 12:23

Ya higo enali le'mo bego hite babu boana'i minanamagi be gelete topa helete ma lite li'ahana: Ya'ma boba Tebitihi pana'mouba nohifi fato bobe?

Matiu 15:31

Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.

Matiu 9:33

Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Maki 1:27

Ya'ma yuhufa mono'i ahuto hu'ehina ni'ifihe? Ai foipa felemagi kumu ka epekinogo ka'a keheli emilata nehabe.

Maki 2:11

Ya luloto ai keni bomofihi ma luto lu emi'ehina: Kehelibo. Lu nokumube nolugi kai ho tito nebelusaka kofito bufa hubo.

Luku 13:13

Ya luloto Yesu ana a'mofihi gufalo yahi ligo analo mele'isi besise'na he'mi etago ana a'i ho ti fefe luloto Hu'mamofihi gi'a li saga huto fokehi ho'ehina yabe.

Luku 17:15

Ya higo moneko bouba falame'a bu gana gololo ti su nohago bu goloto ai i behe huto nooto sipi kehe ito Hu'mamofihi fokehi ho emito o'ehina yabe.

Luku 5:26

To asaga bona'i topa hete afoya gofa ilete Hu'mamofihi gi'a li saga hite li'ahana: Yatai fato huse'i hetofana bu gone lite li'ahana yabe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Yoni 7:31

Ya nehago babu boana'i luga'amagi ai ka'a keheli pili kelete ma lite li'ahana: Alihi Mesiau oloto sipi lili'na ma bouba li huto hu'ehinamofihi hoto sipi'a li huto hilina be ligilifihe?

Yoni 9:32

To afehi ema'aga ma me'i huto hu'ehinagati kana nobigo kene'i moneuba bu pisi lu'ehina bona'mofihi li gili hu eto'ehinana lali mekeheli'ohune.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.