Maki 2:1 - Ka Lamana'a Monoꞌi Lu Mu Tifiꞌehina Ka Yabe

¹ Kana nesi'asi su holago Yesu Kapaneami hepatoga nehetito nonuga ti'ehibe. Ya higo asaga bona'magi: Noha'agu tito nohibe, lite keheli'ahabe.

Maki 2:1 ပူးပေါင်းရင်းမြစ်များ

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Matiu 9:1

Yesu botigu tiloto i behe huto hefunugu i gofa hoto muya beletoga heleko moloto ai'a hepa'alo neheti'ehina yabe.

Maki 1:45

Ya luto ho lififa hu eto'ehigo ai aku'i kaga beto huto luba luba higo, asaga bona'i kehelite Yesutoga li gehesa sipi hilune'mu nehago Yesu fa'mene enubu'anilo olopa hepatoga metise nohuto holupagu nohigo bona'magi yege yege hepatogati aitoga e'ahana yabe.

Maki 2:2

To ai nonugu minoto Hu'mamofihi kagamo lu noepigo, babu bona'magi anaga bite li gehesa nehite kasiha'alo ikini ikini hite minago kapo mone hokolo mehu'ehina.

Maki 3:20

To Yesu ya'ma aposolo bomagihi enele'mo ho tiloto'a yalo hepa'aga bufa hu'ehibe. To ya higo bona'i babu lite aitoga aku'i bite li gehesa hilago, Yesugi pana'alobomagi nose'na menese mine'ahanagihe. To ya hago Yesuhi bona'amagi ya'ma kehelilete: Sibi lalibe, lite bite aimo anagati le'mo nu kite bufa hilune'mu habe.

Maki 7:17

To ya luloto yalo asaga bona'i he'mi epoloto buto nonugu tito nominago ai'a pana'alobomagi ana fono ka'mu ma lite loka he'ahabe: Suguna ka lu epi'ahatana lu hokolo hu letobo.

Maki 7:24

Yesu ya luloto, ana hepatogati he'mito buto Taiya hepa'i to Saitoni hepa'i ni'ina kapogu buto'a, nonugu tito suguna huto mino'ehibe. Ya huto suguna huto nonugu folo'ehigo yalo bona'magi kehelilago,

Maki 9:28

To alihi Yesu nonugu tilago pana'alobo'amagi suguna hite ma lite loka he'ahana: Lali ana felemofihi he'mi etaluta henabe luto bati mehu'ohune?

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Luku 5:18

To bona'i luga'amagi bo mone felisa'a asaga'i fili'ehina bo sipalo le'me melete kofite e'ahana. Enali nonuga le'mete tite Yesu nohina bufasilo malalune'mu hi'ahana.

Yoni 4:47

Yesu Yutia meluguti he'mito Galili kegi'a noabe lana'a ana bouba keheliloto pana'a Kapaneami hepato filise'na ma'asi nohina kehe inogo'ni oto le'mo ye kalibe, luto Yesu nohinalo bu'ehina.

Aposolo 2:6

Ya hite nehanalo sipi nogo kokulumaluguti malana kehelilete babu bona'i limo gehesa hilete aposolo pana'magi kaga fato fato nogo hite nelago limo gehesa hana bona'magi nogo'aniguti fato fato'i kaga nelago kehelila kehelila hi'ahana. Ya hilete enali ana kagalo topa helete enegelo gofa bi'ahana.