Maki 16:20 - Ka Lamana'a Monoꞌi Lu Mu Tifiꞌehina Ka Yabe

²⁰ To enali bu gelete, bite asaga hepatoga biba biba nehite Yesuhi hetofa kaga'a lu yege helata mine'ahabe. To Sipi Bouba enehe'moto enalitoga minago, enali sipi lili'na amuya'a hiti topa hose suhi lite hi'ahabe. To yana'mu bona'magi ya'ma bu gete enali: Lusiga nelabe lite keheli'ahana yabe.

Maki 16:20 ပူးပေါင်းရင်းမြစ်များ

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Luku 1:1

Oho, Tiofilusi, nalalu'niga. Babu bona'magi lalitoga huto hu'ehinamofihi kaga'a fayanugu ge'ahana yabe. Enali enubuguti bu ge'ahana to Hu'mamofihi kaga'a lu hokolo hi'ahana bona'magi lu epi'ahago fayahi keye'ahana yabe.

Luku 1:2

Enali ana bona'magi enubuguti bu ge'ahago anana huto hu'ehina bona'magihi enabaga enemege'i mele'ahana yata'a mana kaga to asaga yupahi yabe. Enali ya'mana bona'i Hu'mamofihi kaga'alo lili'nalo bo'a mine'ahana to ya'mana kaga lalitoga nelimibe.

Aposolo 14:3

Polugo Banabasiugo yatama kana'a Ikoniu hepato nehite amuya melete Sipi Bomofihi ka'a lu yege he'aha'ina. Ya ha'igo Sipi Bouba babeyafana lumofihi lumofihi fato fato'i topa hose nasana hiti li etayato higo li huto hi'aha'ina. To ya'mananauba ai fulu kaga'a lamana'a ni'ibe luto boana'i enelepilibe luto yabe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Aposolo 5:12

Enali aposolo bomagi topa ho'ehinana babeyafana fato fato'i babu lite boana'magi folagaha'anigu li huto hi'ahana. Ya hago enali Hu'mamofitoga komopa'ani emite minelata hanamagi enali asaga yupahi utehi etehi Solomonihi Nosipenugu li nupa hilata hi'ahana yabe.

Romu 15:19

To huse mehuse suhi huto ule'ale nasana lito oto mololoto nohuto Sikalafu'amofitogati amuya liloto topa hose'na'a hiti lilenogo kehelilabe. To nani Yelusale hepatogati hapi fito Kilisitohi ka lamana'a asaga'i lu huto holito buba buba huto ya'ma me'i le'mo bego bego huto Ililikamu metoga buto lu yege ho'ohuna.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

Hibulu 2:3

Ya hu'ehina'mu laliti hena huto lubuto bilatana tito mino'ehinamofihi he'minogoti buto fa'menena lolo hilina ni'ibe? To yata'a ai'a Sipi Bouba kana'amu kana'amu moloto lubuto bilatanamofihi kaga'a lu yege hoto molo'ehinamo yamofihi enegekesatu yigi hokolo hite keheli'ahana'a enali lu limi limi hago amuya molo'ehinamo ni'ibe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.