Maki 16:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To alihi, aposolo bomagi 11 magi li nupa hite nose'na nenago, Yesu enubulo huto huloto ka epekibe. Hena'mube? Enali, bona'i mone'amagi Yesu fili'ehinaguti ho ti'ehigo bu gete ka lu epigo, enali: Faga yabe, lite enipagu higo komopa'ani ule'ale higo Yesu ya'mu ka epeki'ehibe.

Maki 16:14 ပူးပေါင်းရင်းမြစ်များ

Matiu 11:20

Hepa'i luga'aga Yesu topa hose'na li hu enebe li'ehinalo bona'magi komopa'ani i gelehe mehi'ahana yabe. Ya hi'ahago ya'ma kanalo Yesu ka epekito mino'ehina yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 28:17

To nehetite Yesuhi be gelete aitoga agoya hu emi'ahana. Enali mone luga'amagi yigise loe lae hilete Yesu nohifi fato bo nohifi lite keheli'ahana.

Maki 7:18

To ai ma lu epi'ehina: Lenali hiti ana hite lenegekesa meni'igo neminafiye? To mekeheli'ahafiye? Mafi. Bomofihi komopa'agu limilina'auba hiya huto meha'a le'mo sibina hilibe?

Luku 24:11

Ya lite lu epigo enali aposolo pana'amagi kilihe ka beto hu nelimibe lite ana ka'ani li lataha'anigu memele'ahana.

Luku 24:25

Ya luto lulago Yesu ma luto lu etimi'ehina: Letaliya negi ne'aha'ibe. Koyapa'i lu huto huto bona'magi ge'ahana ka'animu letali keheli fulu hite li latahatitigu mele'aha'ibe.

Yoni 20:25

To alihi pana'alobo'magi lu emi'ahana: Lali Sipi Boti bu go'ohune, lite lago Tomasiu lu epi'ehina: Ya'ma kaga lu neniminamofi kumu mekeheliluna'mu yabe. Nani yaha'alo nilitu fi'ahana'a bu golotofi to nayahi muse'a fuheto li kehelitofi to nayahi fatipa fi'ehinalo li kehelitofi ya huto'ni aho ti'ehina yabe luto keheli ule'ale hilube'mu nohube.

Yoni 20:26

To kana mone salele bu'ehigo pana'alobomagi Tomasi hiti li nupa nonuga nehite kasito hekini lo'ehigo mine'ahana. Ya nehago Yesu ai huto folagaha'anigu mino huto huto lu epi'ehina: Lenalitoga fuluna'a mineno.

Yoni 20:27

Ya luto luloto Tomasihi lu emi'ehina: Malo'i kayaka musoka afito nayaha'ni luga luga bu gobo. To ya huloto kayatu li su toto fatipa'nigu nufuheto li keheli molobo. Ya huloto kekesa yigi yigi huse'naka he'miloto nanitoga keheli ule'ale huto agoya hu nimibo.

Yoni 21:1

To alihi Yesu mone kana hiti pana'alobomagihi Galili hefupo nagamito beletoga huto hu'ehina. Ma suhi huto hu'ehina.

Yoni 21:14

Koyapa'i Yesu pana'alobomagihi fili'ehinaguti ho ti'ehina'a kohe toto loe kana enubu'anilo huto hu'ehinagi to ya'ma nose'na guna i'ehina kana hiti enalitoga huto hu'ehina yabe.

Aposolo 1:3

Koyapa'i Yesu ai gabu foya li kofito fililoto ai alihi aposolo pana'amagitoga huto hu'ehina. Ai fili'ehinagati ho tiloto kosaba bo nohube luto babuna fato fato'i aposolo pana'a hu enubulo molo'ehina. To 40 yupaha kanagu aposolo pana'amagi Yesu enubulo huto huto huloto Hu'mamofihi Kapo'amofihi kaga'a beto hu epi'ehina yabe.

1 Koliti 15:5

Ho tiloto kohe toto buto Pitahi huto hu be li'ehina, analoti buto Pita hiti pana'alobo luga'a 12 asagatoga huto hu enebe li'ehina.

Huto Hilina Ka 3:19

Nani komopa'ni epi'ohuna bona'i ya'ma ka epekito osahi epito enele'mo bati hulata nohube. Ya hu'ehina'mu lenali amuya melete foipa hapatini he'mite komopatini li gelehe hilo.