Maki 15:32 - Ka Lamana'a Monoꞌi Lu Mu Tifiꞌehina Ka Yabe

³² Ai Mesia bo Isilaeli naga'magihi gihiti bo'ani nohifi? Ana, malipu yafaloti limilenogo, lali bu goloto aitoga kehelito agoya hu emilune. Enali mono bomagi ya lite li'ahabe. To ai hiti malipulo etehe'ahana bomale'i ana hite Yesuhi huli ka lu emi'aha'ina yabe.

Maki 15:32 ပူးပေါင်းရင်းမြစ်များ

Matiu 1:17

Ya hu'ehigo asaga Abalahahi naga'aloti tito Tebitito pa sago nayahi luga luga su hoto nigigusagati loegi loegi heleko malago naga'i mine'ahana yabe. To nayahi luga luga su hago to nigigusagati loegi loegi heleko malago Tebitihi megesaloti tigo minana enali Bebiloni hepato enele'mete bi'ahana. To ana huto nayahi luga luga su holoto nigigusagati loegi loegi heleko malago minana naga'a enali mineme tite Mesiau huto hina kanalo mine'ahana yabe.

Matiu 27:42

Ai luga'a bona'i li enubuto bilata hu'ehina'a huto ai'a li buto mebibe. Yuta bona'magi gihiti bo'animo nohifi fato bo nohibe? Ai malipu yafa he'miloto magu liminogo lali bu goloto o'yo, ai ma'naka luto gihiti bo nohibe lilune.

Matiu 27:44

Etali foipa bo loemo Yesuhi luga luga sopaloga etehe'ahana ya'male'i moneko ka lite Yesuhi bai'i emi'aha'ina. p

Maki 15:26

To bo moneuba Yesuhi he'ahanamomu'i fayahi go'ehinamofihi ana yafa ifo'alo li mele'ahana ya'ma ni'ibe. Yuta Bona'magihi Gihiti Bo'ani Yabe, luto ya'ma fayahi go'ehina.

Maki 15:27

To Yesuhi hiti guminalo bo loemo ana hite malipu yafalo etehe'ahabe. Mone hete lamaga'aga yafa fite to mone hete soga'aga yafa fite etehe'ahana yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 12:13

Ya kehelilete yafa haya'a i gofa hete mone olopa kapo nekisa'alo melete to mone yafa haya'amo lite bite fo tula helete enegelo bi'ahana: Oho, Hu'mamofitoga fokehi li emilo. Hu'mamofihi bo noananamofihi gi'a liyafa hilo. Hu'mao, kai Isilaeli gihiti bomofihi lusa gi etobo, lite hekele li'ahana.

Romu 3:3

To ana Yuta bona'i mone'amagi mono kaga mege'i memele'ahago Hu'mau kaga lu molo'ehinana asaga'i huto mehilifihe?

2 Timoti 2:18

Etali ya'ma ka lamana'amofihi kapo'a he'milete'atiti ya'ma lite nela'ibe: Lugufati fili'ehinaguti aho ti'ehinamo ni'inaya alihi kosaba lugufa hiti lele'mo ho tilina'a meni'ibe. To ya lilete mono ka keheli'ahana bona'i luga'a komopa'ani enele'mo sibina neha'ibe.