Maki 15:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ai ya'ma mono bomagi Yesu kumu siko nehite naga'i emi'ahana kehelito'a ya luto enoloka ho'ehinagihe.

Maki 15:10 ပူးပေါင်းရင်းမြစ်များ

Matiu 27:18

Enali Yesuhi ipakafa helete neminanati ka foyalo le'mo ho ti'ahanamo ni'ibe luto Pailatiu akeheli'ohuto enoloka ho'ehina yabe.

Maki 15:11

To ya luto enoloka hago, enali sipi mono bomagi ya'ma anaga li nupa hite nehana bona'i asaga'i enele'mo topa hago, to sipi mono bomagi amuya melete lu epi'ahana: Yesuhi ana'a hiligi lu emilo. Balabasihi gulu ho etobo, lu emilo. Ya nelago ya'ma li nupa nehanamagi asaga'i kehe ite Pailatihi ma lite lu emi'ahana: Yesuhi ana'a hiligi. Balabasihi gulu ho etetogo bino. Ai kalabusi nonuguti fa'mene limilina'mu yabe.

Maki 15:9

To ya lago, ai ma luto lu epi'ehina: Nani ya'ma Yesuhi lenali Yuta bona'magita kibina botinimofihi le'mo he'mi etalufihe? Lu nimilo.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

Yemesi 4:5

Lenali kehelilo. Hu'mau mono bukugu mone kaga luto lu'ehina ka'a yamofihi hapa'a futu'a meni'igo ana kaga ni'ibe: Nani ya'ma bona'magihi komopa'anigu molo epolo'ohuna enemeha'aniuba foipana enibita hina nasana amuya'a lolo hi etalifihe? luto lu'ehina yabe.

1 Yoni 3:12

Koyapa'i Atahi pana'a Keniu ai'a kapolo mebilune. Ai foipanamofihi pana'a lolo huloto gona'a ho fili'ehinamo ni'ibe. To henabe luto ho fili'ehibe? Hapa'a ya'ma huto ma ni'ibe. Ai'a minoto lito hu'ehina'a laga mehu'ehina yagi to gona'auba mino'ehina ya bati hu'ehina yabe. Ya higo gona'amofihi siko hu etoto ho fili'ehina yabe.