Maki 14:41 - Ka Lamana'a Monoꞌi Lu Mu Tifiꞌehina Ka Yabe

⁴¹ To ai mone kana hiti buloto oloto bu enogoto ma luto lu epi'ehina: Lenali ana hite lenabasu bite ke fa nehafiye? Yatai anasi yabe. Kana'ni ao'ehibe. Bo moneuba nani Kokulumaguti limi'ohuna Bomofita kumu gutunu ka lu epilago, ya'ma fatehatimagi, foipa bona'magi naga'i nimilune'mu nealabe. Bu galo.

Maki 14:41 ပူးပေါင်းရင်းမြစ်များ

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Maki 14:10

Ya noligo aposolo bo moneuba, Kelio naga'i nohina bo, gi'a Yutasi, ai anagati he'mito buto sipi mono bonaloga buto Yesu kumu gutunu ka lu epilube'mu bu'ehibe.

Maki 14:18

To nose'na nete nehago Yesu ma luto lu epi'ehina: Lusiga nolube. Lenali nani hiti nose'na nenana bona'i lenali folagahatiniguti bo moneuba fatehatimagihi nani kumu gutunu ka lu epilina'mu yabe.

Maki 14:35

Ya luto yalo nesi'asi buloto melugu kana fu tito koloto nunumu huto Hu'mamofitoga ya'ma gupisalo gabu'i gise'namofihi kana'a aku'i huto mehilifi to huto hilifi ya luto loe lugufa ekesa kehelito loka ho'ehibe.

Maki 14:40

To yalo i behe huto oto bu enagago, enali ana hite enubu'i kefa hi'ahabe. Enubu kolo kolo higo, kefa hi'ahabe. To ai kaga lu epinamo, enali ka melise mine'ahana. Hena'mube? Enubuya higo, henabe ka lu emilune lite, enegekesa yigite legese hite ka melise fa'mene mine'ahana yabe.

Maki 14:42

Nani kumu naga'i fatehatimagihi enelepilata bouba a'noabe. Ho tilo. Lali aitoga bilune.

Maki 7:9

To ya luloto ka mone hiti ma lu epi'ehina: Lenali ma suhi hite Hu'mamofihi kaga'a nehe'mibe. Ma suhi hite Hu'mamofihi lenemegesa hi emite lenali hapatinimofihi liyafa nehana yabe.

Maki 9:31

To ai ma luto kaga lu epi'ehina: Bona'magi alihi nani Kokulumaguti limi'ohuna Bomofita nele'mete bite nahalabe. To nehe fililenogo'ni loeyagi moneyagi yegegu keligu minoloto'ni aku'i ho tilube.

Yoni 12:23

Ya la'igo Yesu lu etimi'ehina: Yatai Kokulumaguti limi'ehina Bomo sipi fana meha'a aitoga huto hilina ya'ma kana'a ma'asi huto hilina'mu yabe.

Yoni 12:27

To Yesu kaga mone hiti lu epi'ehina: Yatai nani nipa'nigu nagabu gofa nogibe. To nani henabe lilube? Afo'niga ma kana lolo mehu netalata ya lilufi? Hena'mube? Ya'ma keke'i luse'na nugupisalo huto hina kanagu o'ohunagi huto hu netolenogo minalube.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 7:30

Ya luto ligo enali yato hite naga'i emilune'mu hanaya mone bufalo lite ya hite mehi'ahana hena'mugope ai kana'a meo'ehina'mu yabe.

Yoni 8:20

Asaga ya'mana kaga sipi mono nonugu efapo melelata nehana lape'i nina hasagu minoto enelepi'ehina yabe. To bona'magi anagati ete yato lite naga'i meemi'ahana ya hena'mugope ai kana'a meo'ehina'mu yabe.

Aposolo 7:52

Koyapa'i kaga lu yege hose bo minana mone kiyi'afihi le'mo sibina mehi'ahana ni'ibe? Lamana bo'a, Yesu yabe, alinamofihi kaga'a lu yege hete koyapa'i e'ahana bo enoho fili su he'ahabe. To yatai halune'mu hana bomagi enayanugu lenali malago ya'mana bo aho fili'ahabe.