Maki 14:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya lago, Yesu pana'alobo'a loemofihi ma lu etimito etoho lifi'ehina: Olopa hepatoga tite to bo moneuba nagami kohi kofito nobinogo letali bu geletetiti bite mege'i biliyo.

Maki 14:13 ပူးပေါင်းရင်းမြစ်များ

Matiu 8:9

To hena'mube? Nani ana huto napa li'ehina sipi bomofihi maha'aluga nohugo lili'na nonimina yabe. To nani'ni ana huto gimi bo'ni nehana nani namanuga ana hite nehabe. To nani mone kene'mofihi bubo luto nolugomo ai bulata nohibe. To mone fato'amofihi obo luto nolugomo a'olata nohibe. To koko pana'nimofihi ya lili'na libo luto nolu etogomo ana lili'na lilata nohibe.

Maki 14:12

To ana kanagu, sipi nose'na beleti nose'na yisiti hiti lolo mehise nalana yupahi utehi hapi filune'mu nehago sipisipi yaga nala'a Pasa mono yupapo kumu luto helata nehana kanagu, Yesuhi pana'alobo'amagi ma lu emi'ahana: Lali Pasa nose'na hiyaga buto nalune? Hiya nonugu nose'na li nupa huto laita hu ketalune?

Maki 14:14

To ai tilina nonugu nehetite noho bo ma lite lu emiliyo: Afotifu pana'alobo'ni hiti Pasa nose'na naluta nohi hiya'a ni'ibe luto nolibe. Ya lite lu emiliyo.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Yoni 2:5

Ya ligo koko pana'amagihi Yesuhi ito'afu ma luto lu epi'ehina: Lenali ai kaga lu lepilinamofihi mege'i malalo.

Hibulu 4:13

To ana'ina li huto hu'ehina ya'ma moneubafi moneubafi Hu'mamofihi bulo ya'ma suguna'i nasana mone meni'ibe. Ai bulo melugu kokulumagu ana'ina silaga'i sa gi'ahanagu meni'ina to li hokolo huse'i ni'ibe. To mone yupahi lali asaga'i li lolo hulata nohutamofihi hapa'a yanamofihi Hu'mamofitoga tito ai bulo lu eminogoti ka foya li letalina'mu yabe.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.