Ya luloto, i behe huto oto pana'alobo'amagi enubu'i nekago, oto bu goto Pitatoga ma luto lu emi'ehina: Akae. Simonio. Kubu'i nokapiye? Kai hupamone kanagu bati huto kaba hu netalata'a mehu'ahapihe?
To yalo i behe huto oto bu enagago, enali ana hite enubu'i kefa hi'ahabe. Enubu kolo kolo higo, kefa hi'ahabe. To ai kaga lu epinamo, enali ka melise mine'ahana. Hena'mube? Enubuya higo, henabe ka lu emilune lite, enegekesa yigite legese hite ka melise fa'mene mine'ahana yabe.
Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.