Maki 13:34 - Ka Lamana'a Monoꞌi Lu Mu Tifiꞌehina Ka Yabe

³⁴ Ma huto anana huto hilibe. Bo moneuba hepato he'mito fatoga bilube'mu nohuto'a lili'na bona'magihi lili'na'ani'mu lu epito to bihu kasito minoto kaba nohina bomofihi lu emilina: Kaba huto minobo, luto bufa hilibe. Ya suhi lenali ana hite kaba hite minalo.

Maki 13:34 ပူးပေါင်းရင်းမြစ်များ

Matiu 16:19

To nani kokuluma kapolo hokolo hilatanafi to hekini lolatanafi kimiluna'mu yabe. To kai ma melugu nominotoka hapa'a mone hekini loto lu laga hu epelenogo kokulumalo bo, Hu'mau ana huto lu laga hilina'mu yabe. To ma melugu nominotoka hapa'a mone hokolo hu epelenogo kokulumalo bo, Hu'mau ana huto hokolo hilina'mu yabe.

Yoni 10:3

Kasito nomina bouba kafe sigi etenogo sipisipi kaba bouba tiloto sipisipi yaga'amagihi enigi nohenogo moneko moneko'isi henogo enali nogo'a kehelite mege'i melete bilabe.

Romu 13:6

To gamanimagi Hu'mamofihi kele kele hi etalabe lite kaba huse foya nelibe. Ya'mu lenali gamanimagi lilanaga lilanaga hite takisi kefahi epilo.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Kolose 3:24

To ya nehinogo Sipi Botiuba hetofa nona'a babu luto lepilina'mu yabe. Ai'a molo lepolo'ehinamofihi mina'a fuku luto lepilina'mu yabe. Lenali sipi botini ma melugu bona'mo menohigo, Kilisitou ai Sipi Botini lili'na kaba huse botini nohinagihe.

Kolose 4:1

To lenali kaba bo nehanamagita kele kele panatini enele'mo hetofana hite to bebe sose hapa hite enele'mo bati hilo. Lenali Kaba Botini mone kokulumalugu nohinamofihi lenekesu meheno.

Huto Hilina Ka 3:7

To Filatelefia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyo emilenogo lu epilibe: Bati nominana to fotogo nohina bouba mone gihiti bo, Tebitihi, kafemofihi foloke'a li'ohuto kafe sigi hokolo hu'ehinogo moneuba buto li hekini melalube'mu hibe. To li hekini lo'ehinogo moneuba kafe mesigilube'mu hibe.