Maki 13:12 - Ka Lamana'a Monoꞌi Lu Mu Tifiꞌehina Ka Yabe

¹² To ana huto, ya'ma kanagu gonamu tamu'a mone'amagi ai ho filinogo ai ho filinogo hite minalabe. To bona'i mone'amagi yagapana'ani enehe fililabe. To panala'i pana'magi mone'a ana hite ito'anigi afo'anigi enehe fililabe. Ana kanagu ya hite minalabe.

Maki 13:12 ပူးပေါင်းရင်းမြစ်များ

Matiu 10:21

Bomagi enali enogo'anigihi ka foyagu enele'me melete enoho fililana'mu yabe. To afo'afu pana'amofihi ana suhi luto ho fililina'mu yabe. To panana'animagi afo'anigihi ana hite fateha'ani enele'mo lolo hite enoho fililana'mu yabe.

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Maki 13:11

To enali naga'i lepite lenele'mete bite ka foya li lepalana yupahi lenali koli mehilo. To kaga lilana ka lenegekesa keheli keheli hite meminalo. Hena'mube? Hu'mau, ana kanagu lenehe'menogo kaga lilabe. Ai lu lepilina ka ya'ma lu epilo. Lenaligo kaga lilana meni'ibe. Sikalafu'uba lenali hiti moneka nehite fatehatinimagihi kaga li epilabe.

Maki 13:13

To asaga bona'magi nani kumu lite enipagu sibina nohinogo sipi ka lepekilabe. Ya hi lepalanaya aku'i nanitoga kosele'i mehose ule'ale huto minalina bomofi, kana'a su holenogo, Hu'mau le'malina'mu yabe. Yesu ya luto lu epi'ehibe.

Luku 21:16

Itokafugo afokafugo to kogonamu tamuka to kalalukagi hiti enali asaga'i fatehaka lolo hilana'mu yabe. Ya hilete monepi monepi lenoho fililana'mu yabe.