Maki 13:11 - Ka Lamana'a Monoꞌi Lu Mu Tifiꞌehina Ka Yabe

¹¹ To enali naga'i lepite lenele'mete bite ka foya li lepalana yupahi lenali koli mehilo. To kaga lilana ka lenegekesa keheli keheli hite meminalo. Hena'mube? Hu'mau, ana kanagu lenehe'menogo kaga lilabe. Ai lu lepilina ka ya'ma lu epilo. Lenaligo kaga lilana meni'ibe. Sikalafu'uba lenali hiti moneka nehite fatehatinimagihi kaga li epilabe.

Maki 13:11 ပူးပေါင်းရင်းမြစ်များ

Matiu 10:17

Lenali kaba hu bati hilo. Enali bona'i luga'amagi naga'i lepelete ka foya li lepelete enali li nupa hite minelata nehana nonugu lenele'mo melete naga osatu lenibi yigilana'mu yabe.

Maki 13:12

To ana huto, ya'ma kanagu gonamu tamu'a mone'amagi ai ho filinogo ai ho filinogo hite minalabe. To bona'i mone'amagi yagapana'ani enehe fililabe. To panala'i pana'magi mone'a ana hite ito'anigi afo'anigi enehe fililabe. Ana kanagu ya hite minalabe.

Maki 13:9

To ya'ma huto nohinogo lenalitini kaba hi bati hilo. Boana'magi alihi lenali'i kefefe hite bite mono nonugu lenele'mete bite ka foya lilete osahi lepilabe. Nani kumu lite lenele'mete bite gamani bona enubulo to enikibina bona enubulo lenele'mete bite ka foya li lepalalabe. To ya hinogo lenali nani kumu ka lamana'a lu epilabe.

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Yoni 3:27

Ya lite lago ka'anilo Yoniu nona'a lu'ehina: Kokulumaluguti Hu'mau ana'ina mone bomofihi emilina ya ai'a lilina'a huto menohibe.

Aposolo 2:4

To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Aposolo 3:13

Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Aposolo 4:31

Enali ya hite nunumu ahilago li nupa hite nehana nonugu imima'i li'ehina. Ya huloto enali to Sikalafu'uba tito bai tolago enali Hu'mamofihi kaga'a lu yege homofa'na hi'ahana yabe.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Aposolo 6:15

Ya lago asaga bona'i kanisolelugu mine'ahanamagi Sitifenihi bulu'i he'ahana. Ya nehago Sitifenihi okaba'a agelomofihi suhi lito i besa lo'ehina yabe.

Aposolo 7:55

Ya nehago Sikalafu'uba Sitifenitoga bai tolago kokulumatoga bu golago ti'ehina. Ai Hu'mamofihi fana mehena'agu Yesu yahi lamaga'aga nohigo bu go'ehina.

1 Koliti 2:13

To ya higo lali'i bona'i luga'a Hu'mamofihi Meha'a li'ahanamagihi ai ka'a lu keheli huto lu epiluta nohuto lali bona'magi keheli'ahana ka lu epiluta meni'ibe. Lali Hu'mamofihi Sikalafu'uba lu limilina ka'asigo lulata nohune.

Efeso 3:5

Suguna kamofihi hapa'a ya'ma koyapa'i mine lite bi'ahana bona'i enalitoga huto mehu'ehinamo ni'ibe. To yatai ka lamana'a lu yege hose bo to hetofa aposolo bona'i enalitoga Sikalafu'uba ana suguna kamofihi lu hokolo huto lu epilata nohibe.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

1 Pita 1:12

Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.