Maki 12:9 - Ka Lamana'a Monoꞌi Lu Mu Tifiꞌehina Ka Yabe

⁹ To ya hago foya afo'afu keheliloto henana hu epalalibe? Ai keheliloto buto ana foya kaba bomagihi asaga'i enoho fililoto'a, foya fato bomagi epinogo kaba hilabe. Yesu ya lu epi'ehina yabe.

Maki 12:9 ပူးပေါင်းရင်းမြစ်များ

Matiu 12:45

To ya huto ni'igo ana noha'a bu goloto ai aku'i ana noha'aguti heleko limito buto sebeni'a foipa fele enele'moto ago ana noha'agu minelata nehabe. Koyapa'i ana bo nesi'a bati huto minolata hinamo yatai babu foipa fele ete ai gufagu bai tago ana bomoya foipa loto bati mehulata nohibe. To aku'i su holotomo ema afetogati hapi fito tilata nohibe. Yatai kanalo foipa bonatoga ya'ma suhi luto huto hilina'mu yabe, luto Yesu lu epi'ehina yabe.

Matiu 21:34

Alihi nose'na'a li nupa huse kana'a o leba tolago ai lili'nalo pana'a enoho lifigo bai naga'i foyagu lili'na nelina bo nehanalo bi'ahana. Ai nose'na luga'a nimilabe luto enoho lifigo bi'ahana yabe.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Matiu 22:7

Ya hago gihiti bouba italuga logo bigo gimi bo'a enoho lifigo bite koko pana'a enehe'ahana bona'i noha'a gobe posa gibe hite enoho su he'ahana. Ya hilete hepa'ani logo goyoboto su he'ahana yabe.

Maki 12:10

To ai ma luto ka mone hiti lu epi'ehina: Lenali mono bukugu ya'ma leka meso'ahafiye? Ma luto koyo'ehina ni'ibe: Lili'nalo bomagi ya'ma efapo bati mehina efahi yabe, lite he'mi'ahana.

Maki 12:8

Ya lite'ani ana pana'i le'mete bite he fililete, foyaguti le'mete bite he'mi ete'ahana ya'ma lu'ehina kilihe'i yabe.

Luku 19:27

Ya hu'ehina enali nani kumu'i gihiti bo meminalane li'ahana fateha'ni enele'mete ete nani nubulo enoho fililo, luto gihiti bouba lu epi'ehina yabe.

Romu 10:20

To Aisaiyau amuya moloto Hu'mamofihi lu'ehina ka'amu ma luto koyo'ehina: Nani kumu sa sa mehi'ahana bona'magi nehanalo bu nehetugo enali be nege'ahana. Nanitoga kehe mei'ahanamagi enubulo huto hugo keheli'ahana yabe.