Maki 12:14 - Ka Lamana'a Monoꞌi Lu Mu Tifiꞌehina Ka Yabe

¹⁴ bite Yesuhi mi'i malalune'mu nehite aitoga ete ma li'ahana: Babafio. Kai lusiga lulata bo nohane. Kai Hu'mamofihi ka'a ma'naka luto lu lepise bo nohane. Bona kumu koli mehuse bo nohuto Hu'mamofihi ka'a lusiga luto lu epise bo nohatagihe. Mafi. Sipi kaba bo, gi'a Sisa aimofihi takisi efahi emiluta bati hu'ehifi bati mehu'ehibe? Ana efahi emilupi meemilune? Ya'ma Lomu gamanimofihi keya ka mege'i malalupi, he'milune? Kai lu limibo.

Maki 12:14 ပူးပေါင်းရင်းမြစ်များ

Matiu 22:16

To enali pana'alobo'ani hiti to Helotihi pana'alobo hiti enoho lifigo Yesutoga bite ma lite li'ahana: Tisao, kai ma'nakago lu epilata nohanogo lali akeheli'ohune. To kai ma'nakago luto Hu'mamofihi hapa'amu babu boana'i kaga lu enelepilata nohane. To kai moneko bomofi kumuko luto kekesa yigiba yigiba mehulata nohane. Kai asaga bona'i moneko kagago lu epilata nohata bo nohane.

Matiu 22:17

Ya hu'ehinagi kai ma kaga lu limibo. Kai henabe luto kekesa noyigine? Lomu gamani bomofito takisi he'milata nohutaba lali keya kagati li gofa nohopi to bati huto nohe'mune? Ya, kagatilo nona'a lu limibo.

Maki 12:13

Bite yalo Felosi bomagi luga'a to Heloti naga'i bomagi luga'a hiti enoho lifigo,

Maki 12:15

Ya nelago, Yesu enali ai'i fi taga hilune'mu enipa nehago kehelito'a ma luto lu epi'ehina: Lenali henabe lite nimi'i nemalabe? Efahi legeya'a mone ite ete nimitogo bu galube.

Maki 14:45

To Yutasiu yalo Yesutoga ana'asi oto be tigito: Afo'nigabe luto soso hu eto'ehina yabe.

Luku 20:22

Ya hulata nohata kai kehelitaba takisi bati huto epilata nohupi bati mehina suhi luto epilata nohune?

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Yoni 7:18

Bo moneuba komopa'aguti tina kaga lulata nohina ai'a gi'a li saga hilube'mu nohibe. To ai ho lifi'ehina bomofihi gi'a li saga hu etalube'mu nohina boya faga fagana'a menina fotogo huto nohibe.

Romu 13:6

To gamanimagi Hu'mamofihi kele kele hi etalabe lite kaba huse foya nelibe. Ya'mu lenali gamanimagi lilanaga lilanaga hite takisi kefahi epilo.

2 Koliti 2:17

Lali bona'i luga'amagi hite melete nehana'a nehana ya suhi lolo hulata menohune. Bona'i luga'a asagatoga Hu'mamofihi ka'amu kehelilago kefahi li huto hu epilina nasana lolo hulago foya'a li etelata nehanaya lali ya'ma komopati lamana hinogo minaluta Hu'mamofihi bulo buto Kilisitotoga i hepiloto mono ka'a lulata nohune.

2 Koliti 2:2

Nani'ni keke'i luse nasana lepilenogo'ni mone kiyi'agi komopa'nigu le'mo bati hi netalabe? Lenalitinisigo nehabe komopatinigu keheli sibina hinogo ya suhi mehilube'mu hube.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

2 Koliti 5:11

Sipi Bomo lelesa nolinogo nohuta ni'ibe. Yamofihi keheli'ohutoti bona'magihi enegekesa lito ka lamana'a keheli emilo lu epilata nohune. Hu'mau ai hapati asaga'i bu golata nohibe. To lenali ana suhi hite hapa'ni ya'ma komopatinitu kehelilata nehafihe luto nokehelube.

2 Koliti 5:16

Yamofihi lali melugu bona'magi kehelise'na mege'i mololoto hapa hapa'ani lu su meho epalalune'mu hune. To lali koyapa'i ya huto Kilisitohi ana huto gufa'amofihi hapa'a bu go'ohuta, ana babeyafalo yata'isi ya'ma aku'i mone bu megone.

Galesia 1:10

Ka noluna ya'ma bona'magi bu gete laga'a kehelilabe luto nolufihe? O'e. Hu'mau ai'a bu genogo bati hilibe luto ya'ma nolube. Nani ya'ma bona'magi nani kumu kehelinogo tilibe luto foya ya'ma nolufihe? O'e, to nani bona'magi nani kumu laga epesilina'mu sa sa nohufiye? O'e, Ya'ma hutita Kilisitohi kele kele bo'a lolo huto meminotita'mu yabe.

Galesia 2:6

Ya higo enali mono kaba bona'magi mone fato ka hiti memele'ahana yabe. Enali lusi kaba bona'i mine'ahafi ya memine'ahafi nani keheli bati mehube. To ya nehafi menehafi kehelugo fa'menena ni'ibe. To Hu'mau ai bona'magihi enugufa'anigo bu goloto enele'mo ho tila limila menohibe. Komopa'ani bu goloto ya nohibe. Ya huto ni'inaya nani Yelusale hepatoga buna yupahi ya'ma mono ka kaba bona'i enali kosaba ka mone lu menimi'ahana yabe.

1 Tesalonika 2:4

Hu'mau bu logoto laga besigo ya'ma hetofa kaga'ni keheli fotogo hu'ohuto lu lepilabe luto lele'mo eto hulago ya'ma ana ka nolune. Bona'i luga'amagi kehelite linogo bati hilibe luto meni'ibe. Hu'mau ai komopatigu bu go fulu tise bouba keheli'ehinogo lamana hilibe luto nolune.