Maki 12:1 - Ka Lamana'a Monoꞌi Lu Mu Tifiꞌehina Ka Yabe

¹ To yalo, Yesu kaga lu epilube'mu nohuto fono ka ma luto lu epi'ehina: Bo moneuba naga'i foya kofoto to gegisa fi bego bego huto'a, to kaba bo minalana noho gito'a, to naga'i legeya'a li letite bai nagami'i lolo hilana keli mone kifiloto'a, yalo kaba bomagi enele'mo ho tiloto'a, fato kapogu buto mino'ehibe.

Maki 12:1 ပူးပေါင်းရင်းမြစ်များ

Matiu 13:3

To Yesu babu bame ka ma luto lu epi'ehina: Bo mone mino'ehina ai foya'agu nose'na legeya'a tili hilube'mu bu'ehina yabe.

Matiu 21:28

Ya hu'ehina ma kaga lenali hena hibe lite lenekesa nekehelibe? Bo mone'mofihi pana'a loemo mine'aha'ina yabe. Mone yupahi pana'a yege'a nohinaga buloto ma luto kaga lu emi'ehina: Pana'ni, kai yatai foyagu buto lili'na libo.

Matiu 21:33

Ma bame ka mone'ya aku'i kehelilo, luto Yesu lu epi'ehina. Bo mone'mofihi sipi foya ni'igo ana foya'agu bai naga'i hekololoto gegisa hu bego hu'ehina. Ya huloto yatama nohi ana foyagu giloto bai nagami'a letise'na mone lolo hu'ehina yabe. Yalo ai ana foya bisinisi malalube'mu hina bomofihi yanuga bi'ehina. Ya huto emiloto ai ana foya afo'afu bonohi foto kapoga bu'ehina yabe.

Matiu 21:34

Alihi nose'na'a li nupa huse kana'a o leba tolago ai lili'nalo pana'a enoho lifigo bai naga'i foyagu lili'na nelina bo nehanalo bi'ahana. Ai nose'na luga'a nimilabe luto enoho lifigo bi'ahana yabe.

Matiu 25:14

Bo moneuba hepa'a he'miloto foto hepatoga bonohi bilube'mu hilina suhi huto kokulumamofihi kapo'a minalina'mu yabe. Ai lili'na pana'a kehe i nupa huloto ai enali enayanugu fe'noha'a molo'ehina.

Maki 11:33

Ya lite ka'alo lu emigo ai: Nani ana huto noho lifi'ehina bomofihi gi'a ho melepiluna'mu yabe, luto lu epi'ehina yabe.

Maki 13:34

Ma huto anana huto hilibe. Bo moneuba hepato he'mito fatoga bilube'mu nohuto'a lili'na bona'magihi lili'na'ani'mu lu epito to bihu kasito minoto kaba nohina bomofihi lu emilina: Kaba huto minobo, luto bufa hilibe. Ya suhi lenali ana hite kaba hite minalo.

Maki 3:23

Ya lago, Yesu enali kumu kehe igo ago kaga mone fono ka luto lu noepito ya'ma enoloka ho'ehina:

Maki 4:2

To asaga bona'magi nagami beletoga meto minete kehelite mine'ahabe. Ya hago ai fono kalugu asaga kaga lu noepito ma luto lu epi'ehina:

Luku 15:13

To ya hulago gona'auba kana loemofi mone'afi minoto aku'i ana'ina'a li gu ito kofiloto foto hepatoga buto mino'ehibe. Ana hepatoga nohuto'a foipa hapa'a huto mino'ehina.

Luku 19:12

Ya'mu Yesu ma lu'ehina: Sipi bo mone foto hepatoga bulenogo gihiti bo le'mo lolo hilune'mu hilana ai aku'i i behe huto hepa'aga alina'mu yabe

Luku 22:9

Etali Yesuhi loka helete ma lite li'aha'ina: Hiya'alo buto ana nose'na li loloba hilu'ibe?

Luku 8:10

Ya hite loka nehago Yesu ma luto lu epi'ehina: Hu'mau ai'a suguna ka hapa'a alu lepi'ehibe. Ya hu'ehina luga'a boana'i enali bame kagutiko lu noepune ya hulenogo enali gili gili hilete be megalabe to enekesatu'i keheli lanaya ka mana melilana'mu yabe.

Aposolo 7:38

Ya'mana bouba Isilaeli bona'i ka melugu ai hiti li nupa hi'ahana. Ai tatatigi hiti to agelouba Sainai kosagu Moseu hiti kaga li'ahana yabe. Hu'mamofihi kaga'a minoba minoba huse'mofihi liloto ya'ma lalitoga lu limi'ehina bo nohibe.