Maki 11:31 - Ka Lamana'a Monoꞌi Lu Mu Tifiꞌehina Ka Yabe

³¹ Ya luto ligo enali musi musi ka lite ai loka hago ai loka hago hite ma li'ahana: Henabe kaga lu emilune? Lali: Kokulumalo bouba ho lifi'ehibe, luto lu emilenogo ai: Ya ya, henabe lite agoya hi meemi'ahabe? luto loloka halibe.

Maki 11:31 ပူးပေါင်းရင်းမြစ်များ

Matiu 16:7

Ya ligo enali'ani ma lite musi musi ka li'ahana: Lali beleti melise o'ohuta kamo'mu nolibe.

Maki 11:30

Mafi. Yonihi, kiyi'afu ho lifigo oto nagami folo epolo'ehibe? Kokulumalo bouba ho lifigo oto nagami folo'ehifi, melugu bona'magi ho lifigo oto ya hu'ehibe? Lenali ya noluna kagalo lu nimilo.

Maki 11:32

To lali: Melugu bona'magi ho lifi'ahabe luto lilupiye? to asaga boana'magi Yoni kumu hetofa bo, lu huto huto bo yabe, lite nekeheligo ya'mu enali koli nehite Yesutoga bite ma lu emi'ahana: Lali mekeheli'ohune.

Yoni 1:15

Yoniu sipi kehe ito kaga'a ai kumu ma luto lu yege ho'ehina: Ai ya'ma alihi nemege'i noanauba nebe ligito kibina bo nohina luto hena'mugope ai koyapa'i yata'a mino lito bu'ehigo nani alihi ito'nifu neketo'ehina yabe. Ai ya'ma bomofi kumu lu'ohuna yabe luto Yoniu ya lu'ehina.

Yoni 1:29

Eteka'a Yesu Yoni nohinalo ago bu goloto ma luto lu epi'ehina: Malo Hu'mamofihi sipisipi yaga nala'a nohibe. Ai asaga noto noto bona'magi foipana'ani li he'mi noepololata nohibe.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 1:36

Ya hi'ahago Yesu anaga kapo moloto nobigo Yoniu bu goloto ma luto lu'ehina: Bu galo. Ma bo ai Hu'mamofihi sipisipi nala'a nohibe.