Maki 11:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ya'mu nani kaga lu nolepunagi keheli'ehilo. Kai Hu'mamofitoga nunumu huto ana'ina loka nohotoka, to komopakagu: Hu netalibe luto lama'naka keheli ule'ale huto ya huletogo Hu'mau ai lolo hu ketalina'mu yabe.

Maki 11:24 ပူးပေါင်းရင်းမြစ်များ

Matiu 18:19

Ma'naka mone'a hiti luto lu lepilube. Ma melugu bona'magita folagahatiniguti bo loemale'i ana'ina monekoto komopa'atiti li hepilete anana lilu'ibe lite nunumu hila'ina, yalo Afo'nifu Hu'ma kokulumalugu nohinauba anana etimilina'mu yabe.

Matiu 21:22

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Maki 11:25

To numuna hilube'mu nohutoka to bo moneuba koyapa sibina mone hu keto'ehina'a ni'inogomo kai ya'ma hu'ehinana komopakaguti li he'miloto komopaka fulu hino. Ya nohutoka numuna hilane. Kai ya huletogo kokulumalo Afokafu Hu'mau ana huto kaika foipanaka he'mi ketoto kaitoga komopa'a fulu hilina'mu yabe.

Yoni 14:13

To lenali hena hena nasana'mu nigi'nilo lite loka helenogo nani ya'ma huto hu lepalalube. Afo'nifihi pana'a nohunagi ya hu lepalalube'mu hugo bona'magi kehelite Afo'nifihi enofoke ka li emilabe.

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

1 Koliti 14:13

Ya hu'ehina'mu fato enonogoguti kaga fa'mene ana'asi lilana bona'magi hapa'a bati hilete lu hokolo hite lu epilanamofihi amuya lilune litemo Hu'mamofitoga kehe ilabe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.