Maki 11:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To ya higo, olopa mono bomagi to mono ka negana enali ya hu'ehina'mu'i kehelite yalo Yesuhi he fililana kapo'a sa sa hi'ahabe. To silaga bona'magi Yesuhi kaga'amu fokehi lite nehago yamofihi enali ai kumu koli hite ho mefilise fa'mene mine'ahana.

Maki 11:18 ပူးပေါင်းရင်းမြစ်များ

Matiu 21:15

Ya huto Yesu hetofana li huto nohina'mu lite yagapana'i mono nonugu nehanamagi sipi kehe ilete: Tebitihi Pana'a yege filo li'ahana, ya nelago mono bo hiti to keya kamofihi tisa bo hiti enali bu gelete enitaluga logo bi'ehina yabe.

Matiu 7:28

Yesu ya'mana kaga alu su holago asaga li nupa hite minana boana'i Yesuhi kaga'a kehelilete keheli fato fato hite sipi enelesa'ani lu'ehina yabe.

Maki 1:22

To ka lu noepigo enali yege fite minete ma lite li'ahana: Ai keheli bati hu'ehina bomofihi supo huto ka lu nolimibe. Mono ka negana bona'magihi supo huto lu menolimibe. Ai'a amuya hiti kagamofihi hapa'a lu lelepise nohibe.

Maki 11:32

To lali: Melugu bona'magi ho lifi'ahabe luto lilupiye? to asaga boana'magi Yoni kumu hetofa bo, lu huto huto bo yabe, lite nekeheligo ya'mu enali koli nehite Yesutoga bite ma lu emi'ahana: Lali mekeheli'ohune.

Maki 12:12

Yesu ya ligo, enali sipi mono bomagi kehelite: Lali'i ka lemekito ana fono ka lu'ehina yabe lite kehelite Yesuhi naga'i emilube'mu hi'ahana aku'i asaga bona'magi kumu koli hite he'mite bifa hi'ahabe.

Maki 3:6

Yesu ya hu etago Felosi bomagi ana'asi limite Helotihi naga'i hiti'i kaga lite boga li'ahabe: Lali ya'ma Yesuhi hiya'a huto ho fililune lite boga li'ahana yabe.

Luku 19:47

Yesu kana'amu kana'amu mono nonugu boana'i kaga lu epilata hu'ehina. Ya nohigo enali mono noto kaba bo keya kaga keheli bati hulata bo to asaga boana'magi kaba bo'ani enali asaga'i Yesuhi mapahi fite nehite kapo mone li hokolo hilete halune'mu hi'ahana yabe.

Luku 2:47

Asaga kaga kehelina bona'magi Yesu kehelise'na'amu to enali loka hana kaga lu epina'amu topa hete enekesa yigi babu lite mine'ahana.

Luku 20:19

Ana yupahi keya ka babafi bo to sipi mono noto kaba enali kumu luto Yesu bame ka ligo enali keheli sibina hilete Yesuhi ana hepato naga'i emilune'mu hana babu boana'magi mege'i nemalago koli he'ahana yabe.

Luku 4:22

To enali gi'a liyafa hilete kaga hetofana baga'aguti lina'mu enekesa yigi babu li'ahana. Ya hilete'ani enali li'ahana: Ma bose, ya'mana pana'iba Yosefehe pana'mo nohifi fato pana'i nohibe?

Yoni 7:1

Ana kaga su holago Yesu Galili kegi'a kapo moloto bu'ehina. To Yuta bona'i Yutia melugu nehanamagi kofohi legete ho fililune li'ahana'mu luto ana kegi'a mebu'ehina yabe.

Yoni 7:19

Moseu keya ka melepi'ehina ni'ifihe? Lenali ya'mana keya ka li pili kete mege'i memele'ahabe. Lenali hena hibe lite noho fililune'mu nehabe?

Yoni 7:46

Ya lite enoloka hago gimi bomagi lu epi'ahana: Ya'mana bouba kaga lu'ehina'a huto koyapa'i mone bouba kaga melu'ehibe.

Aposolo 24:25

Ya hu'ehina Poluhi kagauba bati huto minosemofihi hapa'afi to bona'i enali'ani enugufa'ani kaba hu bati husemofi to alihi Hu'mau ka foya li letalinamofihi kana'amu lu emi'ehina. Ya ligo Felikihi lesa'a ligo Poluhi lu emi'ehina: Kai bufa hubo. Nani aku'i mone yupahi kehe ilunagi buto nohubo.