Maki 10:51 - Ka Lamana'a Monoꞌi Lu Mu Tifiꞌehina Ka Yabe

⁵¹ Ya higo, Yesu ma luto loka ho'ehina: Nani henana hu ketalube? To bu pisi lu'ehina bouba ma luto lu emi'ehina: Oho. Babafio. Nubu'ni li bati hu netoletogo aku'i bu goto minalube.

Maki 10:51 ပူးပေါင်းရင်းမြစ်များ

Matiu 23:7

Enali bona'magi folagaha'anigu bite ho tite nehago asaga bona'magi enofokehi lite enugufaga soso hu epelelete Tisao lite ligiti halabe lite hilata nehabe.

Matiu 23:8

Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

Matiu 6:8

Lenali enali suhi lite enemege'i memalalo. Nunumu mehi'ahago Hu'ma Afotinifihi kaga lu emilana'a komopatinigu abu go su holata nohibe.

Matiu 7:7

Lenali Hu'mamofitoga nunumu hite kehe ilenogo lepilibe. Lenali sa sa hite lilabe. Lenali kasito inogo Hu'mau kafe sigi lepalalibe.

Maki 10:36

To ai: Henana hu letetalube? Henana noloka hala'ibe, luto lu etimigo,

Maki 10:50

Ya lago, ana bouba gutalafa'a he'miloto topa hoto hololu luto Yesutoga buto neheti'ehina.

Yoni 20:16

Ya luto ligo Yesu lu emi'ehina: Maliao, ligo Maliau aitoga i behe huto Hibulu kaluguti lu emi'ehina: Labonio. Ya'ma kaga'a hapa'a Babafio yabe.

Aposolo 23:19

Ana kaba bouba ana pana'i yato lito le'mo sugunaluga buloto loka ho'ehina: Kai hena ka lu nimilube'mu o'ahane?

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.