Maki 10:49 - Ka Lamana'a Monoꞌi Lu Mu Tifiꞌehina Ka Yabe

⁴⁹ Ya luto luba luba higo, Yesu keheliloto'a kapogu he'mito buto: Ana bo eno, luto lu epigo enali bu pisi lu'ehina bomofihi kehe ite ma li'ahana: Ma bo yale. Kofokehi lubo. Kai kumu kehe noinagi ho tito aitoga bubo.

Maki 10:49 ပူးပေါင်းရင်းမြစ်များ

Matiu 9:2

Luga'a bona'magi bo mone gi yahi sibina hu'ehina bo sipa'alo ko'ehigo Yesutoga le'mete e'ahana. Ya hago Yesuhi aitoga komopa'ani mele'ahana bu goloto Yesu ana gigusa'a sibina hu'ehina bo ma luto lu emi'ehina: Pana'ni, kipagu fulu hino. Nani foipanaka li nohe'mi ketobe.

Maki 10:50

Ya lago, ana bouba gutalafa'a he'miloto topa hoto hololu luto Yesutoga buto neheti'ehina.

Luku 18:40

Ya ligo Yesu kapo moloto nobinati ho tiloto: Ana bo le'mete alo lu'ehina. Ana bo Yesu nohinalo olago Yesu: Hena hu ketalube? luto loka ho'ehina.

Yoni 11:28

Matau ya lu emito i behe huto buto gona'a Malia nohinalo buto musi huto kaga lu emi'ehina: Babafiti noanogo kai kumu kehe noibe.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.