Maki 10:29 - Ka Lamana'a Monoꞌi Lu Mu Tifiꞌehina Ka Yabe

^29-30 O'yo, to lusiga lu nolepunagi kehelilo. Bo moneubafi moneuba nani kumu luto to ka lamana'amofi kumu luto nasana'a he'milina bouba fa'mene minalifihe? O'e. Nani kumu to ka'nimu luto hepa'agati to me'agati he'mito, to gonamu tamu'amagi etali'agi afo'agi ito'agi he'mi epalalina bouba ai yatai ma melugu nohuto'a, to bona'magi kalana'i nehi etago nohuto'a ai asaga'na lilibe. Hepa'a hiti, me'a hiti, gonamu tamu'a hiti etali'agi hiti ito'agi hiti yagapana'a hiti yege yege'na lilibe. Yatai ma melugu nohuto lilina'mu yabe. To alihi yupahi, kokulumagu mino kosaba huse'na liloto to minoba minoba hilina'mu yabe.

Maki 10:29 ပူးပေါင်းရင်းမြစ်များ

Matiu 10:18

Enali nani kumu lite lenali'i gamani bona'i hiti to enikibina bona enubulo lenele'mo yegelo melete ka foya li lepalalana'mu yabe. To mono ka ana gamani bona'i hiti to fegutoga bona'i hiti lu epilana'mu lite ya hi lepalana'mu yabe, luto Yesu lu epi'ehina yabe.

Matiu 19:29

To enali bona'i luga'amagi nani kumu lite enekesa yigilete noha'anifi enogona'anifi enetali'anigifi ito'anigi afo'anigihifi yagapana'anifi to foya'anifi he'milete nanitoga alanamagi enali anana'anilo babu lite lilana'mu yabe. To enali bati huto minoba minoba hepa'i lilana'mu yabe.

Matiu 6:33

Ya hu'ehinagi kai yata'a Hu'mamofihi kapo'alo li kubulo moloto mege'i meletogo ai gelo biloto asaga'na bati'a kimilina'mu yabe.

Maki 8:35

To bo moneuba meha'a li pili koto minalina bomofi ai meha'a fenene hilibe. To bo moneuba nani kumu luto to ka lamana'a kumu luto meha'a nimilina bomofi, ai meha'a minoba minoba hilina'mu yabe.

Luku 18:29

Nani lusiga luto lu nolepube, luto Yesu lu'ehina. Asaga bona'i Hu'mamofihi Kapo'amu lilete noha'ani liha'ani enogona'ani to ito'anigi afo'anigi to yagapana'anigi he'mi epelelete alana alihi Hu'mau babu lito bati'na'anilo ma'asi kanalo epilina'mu yagi, to alihi kana'a alube'mu hilina yupahi enali hetofa hepa'i minoba minoba huse'i nina ya'ma lilina'mu yabe, luto Yesu lu epi'ehina yabe.

1 Koliti 9:23

Silaga nasana yamofihi fa'mene ka lamana'a huto holito bilibe luto lolo hulata hu'ohube. To Hu'mau lusa nogi epoloto nani hiti lusa gi netalibe luto lulata nohube.

Huto Hilina Ka 2:3

To amuya melete minoba minoba hite nani kumu keke'i luse'namofihi lenugupisalo melelago kosele'i melenahago bati hite neminabe.