Maki 10:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ya ligo, pana'alobomagi ka'amu'i topa hete: Abo. Keta hina ka nolibe lite ai lu eminogo ai lu eminogo hite nehago Yesu ka mone hiti ma luto lu epi'ehina: Pana'alobo'nise. Enali yogo fe'nohi enemetahana'ani ni'ina bona'magi Hu'mamofihi kapogu tilana keta gofa nohibe.

Maki 10:24 ပူးပေါင်းရင်းမြစ်များ

Matiu 19:25

Enali koko pana'a ya'mana kaga'a kehelilete topa helete ma lite li'ahana: Ya latago minoba minoba hepa'i kuyu'afu lilinabe? lite Yesuhi loka he'ahana.

Maki 1:27

Ya'ma yuhufa mono'i ahuto hu'ehina ni'ifihe? Ai foipa felemagi kumu ka epekinogo ka'a keheli emilata nehabe.

Maki 10:23

Ya higo, Yesu bu goto bona'i bu go beloloto pana'alobomagihi ma luto lu epi'ehina: Ke. Yogo fe'noho bona'magi Hu'mamofihi kapogu tilana keta gofa nohibe.

Luku 16:14

Felosi bona'magi asaga kaga Yesu lina kehelilete kiya hi ete'ahana yabe. Hena'mugope enali efa kumu'i bati'nati yabe lite li enogolagalo nemalana bona'magi yabe.

Yoni 13:33

Oho, pana'nimagita. Lenali hiti nani nesi kanasi minoto'ni ma'asi atibilube. Lenali nani kumu sa hilete koyapa'i Yuta bona'i lu epi'ohuna: Biluna hepatoga mebilana'mu ya'ma lenali hiti ana hite anaga mebilabe luto lu nolepube.

Yoni 21:5

To Yesu kehe ito lu epi'ehina: Pana'ise. Faya'mo li'ahafihe? luto ligo enali lu emi'ahana: O'e, meli'ohune.

Yoni 6:60

Yesuhi koko pana'amagi kehelilete ma lite li'ahana: Ai enebe ligi'ehina ka amuya kaga nolelepibe. Kiyi'afu ana kaga kehelilina ni'ibe?

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

1 Yoni 2:1

Panana'ni lenali foipana hi lalabe luto ka'ni ya'ma fayahi koyoto nolepube. To moneuba foipana hulenogo afotifu, Hu'mau foipanati'mu ka foya nolinogo lehe'malina bo mone nohina yabe. Ai gi'a Yesu Kilisitou ai fotogo huto nohina bouba ai lali kumu yabe luto miyagu afotifu aitoga buka tilina'mu yabe.

1 Yoni 4:4

Palala'ni pana'nise, lenali Hu'mamofitogati huto hilete faga mono ka leli'ali bona'magihi amuya melete luba hite, ya suhi hite enebe ligi'ahanamo ni'ibe. Hiya hutobe? Lenali komopatinigu minolata nohina ai amuya'auba metoga nohina bo foipana'a ai'i amuya'a ya'ma be ligi'ehinagihe.

1 Yoni 5:21

Palala'ni pana'nise, lenali laga mehinana faga lugefa nasanalo lenemegesa hu emite kaba hite minalo.

Huto Hilina Ka 3:17

Lenali lenalitini'mu ma lite kehelilata nehabe: Lali babu yogo fe'nohi ni'ibe lite bati huto minalune'mu hune nelabe. Lali hena nasana'mu mone sa sa hulata nohune? Ana'ina lilata nohuta yanamofihi nasana'mu mone sa sa mehune lite lilata nehanaya, lenali amuya memele'ahana hapatini mekehelise bona'i mone muhi meni'ina bona'i ate ate li'ahana'a enugufa yapako nehite bu pisi lina bona'i suhi hite nehabe. Ya'amagi ya'ma enali keheli fe lite kehelilana'a mehabe.