Maki 10:22 - Ka Lamana'a Monoꞌi Lu Mu Tifiꞌehina Ka Yabe

²² Ya ligo, ana bouba keheliloto li pisigito mino'ehibe. Hena'mube? Ai'a fe'noha'a babu luto ni'igo kehelito komopa'a keta higo li pisigiloto nohinagati bufa hu'ehina yabe.

Maki 10:22 ပူးပေါင်းရင်းမြစ်များ

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Matiu 19:22

Ya'mana neheya bouba Yesu lina kaga keheliloto ipagu gabu gigo ginaga fina bo kaga meluse bu'ehina. Hena'mugope ai fe'noha'a babu lu'ehina bo nohuto ai ana fe'noha'a fato bona'i meepilube luto'a ekesa kehelito bu'ehina yabe.

Matiu 27:3

Yutasiu Yesuhi fateha'amagihi enayanuga li bi'ehinauba Yesuhi ka foya li etete ai ka'a li melugu malana bu go'ehina. Ya huloto ai komopa'a i gelehe huloto 30 siliba efahi legeya'a sipi mono bomagi to babafi olopa bomagi emi'ahana aku'i ito buto epi'ehina.

Maki 10:21

Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

Maki 10:23

Ya higo, Yesu bu goto bona'i bu go beloloto pana'alobomagihi ma luto lu epi'ehina: Ke. Yogo fe'noho bona'magi Hu'mamofihi kapogu tilana keta gofa nohibe.

Maki 6:26

Ya ligo Helotiu sipi ginaga fi'ehibe. Aku'i ai yahi tito lu emi'ehina ka'a asaga bona'magi kehelite aimo bu gete neminago, enali kumu lesa'a lu'ehibe.

Luku 12:15

Ya luto luloto asaga boanatoga ma luto lu epi'ehina: Lenali kaba hu bati hilo. Lenali kaba hu bati hite nehite mole'ale'namu'i muyana'nise lite melilo. Yaga fe'noha'a babu lito minana bouba ya fe'nohi malana'a huto komopa'a bebe mesalata nohibe luto Yesu lu'ehina yabe.

Luku 18:23

Ya ligo ana Yuta bo ai ana kaga'a keheliloto fe'noho bo nohina'mu ekesa asaga nasana'ni musufalo bona'i meepiluna yana yigito ipagu nunu gigo ginaga fi'ehina yabe.

2 Koliti 7:10

Hu'mamofihi kamu'i liginaga filata nohinanamofihi le'mo gelehe hulata nasana li huto hinogo Hu'mau lubuto binogo minalune. Yamofihi liginaga fise nasana yamofiha'a li huto hilina aliha'a ya nasana'mu kehelinogo mone sibina mehilube'mu hibe. To mono'i mekehelise bona'i ginaga fise'na yauba negi nagi nasana li huto nohigo filite bilata nehabe.

Efeso 5:5

Lenali ya'ma ka kehelite minalo. Moko lilata bona'i to anananamo'mu enipagu hilina bona'i enali Kilisitohi to Hu'mamofihi kapolo minete lite metilana'mu yabe. To ana huto enali fato bomofihi nasana'a lilube luto enipagu hilina bona'i enali ana hite ana kapolo metilana'mu yabe. To hena'mube? Enali Hu'mamofitoga enemehi meemise ma melugu nasanatoga enemehi emilata lugefa nasana suhi huto mege'i melelata nehana bati mehibe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.