Maki 10:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

Maki 10:21 ပူးပေါင်းရင်းမြစ်များ

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Matiu 19:21

Ya ligo Yesu ana neheya kola bomofihi ma luto lu emi'ehina: Kai bati huto minalube lutomo asaga fe'nohaka buto bona'i noepito efahi lilotoka guna ito musufalo bona'i epibo. Ya hitogo hetofanaka kokulumalo minalibe. To kai ya huloto nani'i oto nemege'i molobo.

Maki 10:22

Ya ligo, ana bouba keheliloto li pisigito mino'ehibe. Hena'mube? Ai'a fe'noha'a babu luto ni'igo kehelito komopa'a keta higo li pisigiloto nohinagati bufa hu'ehina yabe.

Maki 8:34

Yalo Yesu pana'alobo hiti asaga bona'magi hiti kehe igo ago ma lu epi'ehina: Nemege'i malalube'mu nohina bouba ma huto minalibe. Ai hapa'amu'i: Nemetahana meni'ibe luto he'miloto malipu li kofiloto'a nemege'i bati huto malalina'mu yabe.

Luku 10:42

Ya'ma nohata ni'igo moneko'nasiya anasi ni'ibe. To Maliau ai eto'ehina suhi nohina yabe. Ai ya'ma ka lamana'a kehelilata nohina ni'igo mone li he'mi etalina'a meni'ibe.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 16:9

Nani lu nolepube, luto Yesu mone hiti ma lu'ehina: Lenali bati mehina efahi ma melugu nina hiti lenali bona'i enele'mo bati hite enele'mo lenalalutinigi enele'mo lolo hilafiye? O'e. Ya hilenogo alihi efahi lise kana'a su halina yupahi lenali lenele'mete kokulumatoga minoba minoba hepato bilanafiye? O'e, luto Yesu lu epi'ehina yabe.

Luku 18:22

Yesu kaga'a keheliloto ma luto ana bo lu emi'ehina: Kai mone'nasi hilata ni'ibe. Kai asaga yogo fe'nohaka bona'i epi su nohoto to efahaka fe'noha'ani menilina bona'i noepito huletogo kokulumaluguti bati'naka lilata'mu yabe. Ya huloto nani'i nemege'i molobo, Yesu lu emi'ehina.

Luku 19:41

Yesu Yelusale hepa lebato nehetiloto ana hepa'i bu golago bula ola huto beloloto yibi huto ma luto lu'ehina:

Luku 9:23

To ai ma luto lu epi'ehina: Bo moneuba nani hiti alube lutomo ai'amu'i ekesa yigi fatoga mololoto malipu yafa'a asaga yupahi nani ana huse'na suhi li saga huba huba nohuto nemege'i meleno.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Aposolo 2:45

Enali fe'noha'ani bona'i neepite efahi lilete ana efa guna i eto eto lite lilata hi'ahana yabe.

2 Koliti 12:15

Ya suhi huto nani lenali kumu yabe luto yogo fe'noha'ni minoto lito hulata nasana'ni li he'milube luto keta mehuse huto nohube. To nani ya huto komopa'ni lenelepilata nohunogo lenali komopatinitu nani kumu lenemehi melelata nehanamofihi inomo limito minalifihe?

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.

Hibulu 10:34

Lenali lenigibo lenalalutinigihi naga nonugu nehago enali kumu yabe lite komopatinigu ekafa'i ho'ehinamo ni'ibe. To asaga fe'nohatini bauna fite lilago ya'ma komopatinimofihi fe'nohi lamana'a amuya moloto minomo buse'namofihi molo'ohune lite kehelilete lenegelo bilata hi'ahanamo ni'ibe.

Yemesi 2:10

Bo moneuba Hu'mau keya ka lu'ehina ka'a keheli su hoto nekehelito moneko'isi he'milina yauba keya ka asaga'i pelesa neibe.

Huto Hilina Ka 2:14

To nani lenali kumu nesi'a kehelugo sibina hulata nohina. Lenali hepatoga bona'i luga'a nehana lenali koyapa bo mone gi'a Balamu yabe ai'a ka'a enelepisemofihi kapogu bilata nehabe. Balamu ai Balakahi ya'ma Isilaeli bona'i lu epilube'mu faga lu emigo ai ya luto fi taga hu epoloto lugefa nasanamofihi seba'a nete minete mokonalo minete sibina hi'ahana.

Huto Hilina Ka 2:20

To nani lenali kumu kehelugo luga'a sibina hu'ehibe. Lenali ya'ma Isilaeli bomofihi gihiti a'i foipa'a Yesepelo tegi huto mino'ehina a'i bu go he'milata hi'ahana ai'i nani mono ka loli'ali a'i nohube luloto yagapana'ni kaga lu epi epi hite enimi'i melete enohoka hago moko foya lite lugefa nasanamofihi seba'a nelata nehabe.

Huto Hilina Ka 2:4

Ya hu'ehinaya nani ya'ma ana'ina ya suhi huna'mu kehelugo lenali kumu bati mehulata nohibe. Lenali yata'a komopatini nimilata hi'ahanamo ana suhi huto kana ma'asi mone meni'ibe.