Maki 1:32 - Ka Lamana'a Monoꞌi Lu Mu Tifiꞌehina Ka Yabe

³² To utehi yege nolimigo, asaga noepesina bona'i hiti to foipa fele komopa'anigu neminana bona'i hiti aitoga enele'mete e'ahabe.

Maki 1:32 ပူးပေါင်းရင်းမြစ်များ

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 8:16

Utepoya bona'magi babu bona'i epesina foipa felemo ti'ahana bona'i Yesutoga enele'mete e'ahana. Ya nehago Yesu ana foipa felemagi amuya kaga'asigo moneko'isi lu epigo bi fa hi'ahana. To fato epesina bona'i hiti enele'mo bati hu'ehina yabe.

Matiu 8:17

Ai ana huto hu'ehinagi koyapa'i Aisaiyau bu go'ohuto kaga molo'ehina: Ai lebesise'namo li he'mi leto'ehibe. Ai lugufati sibina hu'ehinanamo aigoko'i kofito bu'ehina.

Maki 1:21

To enali Kapaneami kapogu bite nehetigo yalo fuli yupapogu Yesu mono nonugu tito kaga enelepilube'mu nohuto mino'ehina.

Maki 1:31

Ka lu emilago ai buto yato lito ana a'mo le'mo ho tigo nobesinana ana'asi fa hu etago, ai nose'na huto gabu ito epi'ehina yabe.

Maki 3:2

To ana nonugu bo mone yahi yufu no'ehina bo nohigo, enali Felosi bomagi Yesu fuli yupapogu le'mo bati hilifi lite mapahi fite mine'ahana yabe. Enali ai ya hulenogo bugu ka emekilune lite mapahi fite mine'ahabe.

Luku 4:40

To yege alimi falalube'mu nohigo babu bona'i enalalu'anigihi fato fato'na enebesi'ehina enele'mete Yesu nohinalo elago ai moneko moneko'isi enugufalo yahi ligo enebesise'na aku'i felele hu epolo'ehina yabe.

Luku 4:41

To foipa felemagi babu boana'magitoga mine'ahanana Yesu enele'mo he'mi su ho'ehina. Ya nohigo ana foipa felemagi sipi ka kehe ite li'ahana: Kai Hu'mamofihi pana'a yabe. To ya nelago Yesu ka epekigo enali aku'i kaga melise bi'ahana. To hena'mube? Enali Yesu Hu'mau le'mo ho ti'ehina bo yabe lite akeheli'ahana yabe.